We TV Cambodia

គំរោងវនិយោគ ១ ថ្មីទៀត សរុបទុនវិនិយោគ $4.7 លានដុល្លារ បង្កើតការងារ ២៧០ កន្លែង

គំរោងវនិយោគ ១ ថ្មីទៀត សរុបទុនវិនិយោគ $4.7 លានដុល្លារ បង្កើតការងារ ២៧០ កន្លែង

ដោយៈ ទិន សុខាវុធ

គំរោង​វិនិយោគ​ ១ ថ្មី​ទៀត សរុប​ទុន​វិនិយោគ​ប្រមាណ $4.7 លាន​ដុល្លារ បង្កើត​ការងារ​ចំនួន ២៧០ កន្លែង ​ត្រូវ​បាន​ចុះ​បញ្ជី​ជាមួយ​នឹង​ក្រុមប្រឹក្សា​អភិវឌ្ឍន៍​កម្ពុជា ហៅកាត់​ថា CDC ដែល​ជា​ស្ថាប័ន​មួយ​របស់​រាជ​រដ្ឋាភិបាល​។ គំរោង​វិនិយោគ​នេះ​ជា​​របស់​ក្រុមហ៊ុន “KUBON (CAMBODIA) BIOTECHNOLOGY CO.,LTD.” ​​ដែល​មាន​គោល​បំណង​បង្កើត​រោងចក្រ​កែច្នៃ​ស្បែក​សត្វ​គ្រប់​ប្រភេទ អោយ​ទៅ​ជា​វត្ថុ​ធាតុ​ដើម​ពាក់​កណ្តាលសំរេចហៅ​ថា “Gelatine Granule” ​មាន​ទីតាំង​ស្ថិត​នៅ​ក្នុង​ភូមិអោងធំ ឃុំសាមគ្គី ស្រុកព្រៃនប់ ខេត្តព្រះសីហនុ​។

ដូចគ្នា​ដែរ​ កាល​ពី​សប្តាហ៍​មុន គំរោង​វិនិយោគ​ចំនួន ៥ សរុបទុន​វិនិយោគ​ប្រមាណ $14.78 លាន​ដុល្លារ បង្កើត​ការងារ​ ២,៥២៩ កន្លែង ក៏​ត្រូវ​បាន​ចុះ​បញ្ជី​ជាមួយ​នឹង​​ CDC ដែរ។ គំរោង​វិនិយោគទាំងនោះ​រួម​មាន​៖

១-“CHEN BROTHERS LIGHTING CO., LTD.” គម្រោងបង្កើតរោងចក្រផលិតអំពូលភ្លើងលំអ ផ្លិតទឹកជូតកញ្ចក់រថយន្ត និងតម្រង់ខ្យល់, មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសស្វាយរៀងហ្គីហ្គា រីសស៍ ខេត្តស្វាយរៀង, មានទុនវិនិយោគប្រមាណ ១.៧១ លានដុល្លារអាមេរិក និងអាចបង្កើតការងារបានចំនួន ៣៤០ កន្លែង។

២-“QUNYOU (CAMBODIA) ELECTRIC APPLIANCE CO., LTD.” គម្រោងបង្កើតរោងចក្របង្គុំ និងតម្លើងសម្ភារៈអេឡិចត្រូនិកប្រើប្រាស់ក្នុងផ្ទះ, មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសស្វាយរៀងហ្គីហ្គា រីសស៍ ខេត្តស្វាយរៀង, មានទុនវិនិយោគប្រមាណ ៩.០៧ លានដុល្លារអាមេរិក និងអាចបង្កើតការងារបានចំនួន ១.៥០០ កន្លែង។

៣-“JIANGSHANG (CAMBODIA) SPORT & STATIONERY CO., LTD.” គម្រោងបង្កើតរោងចក្រតំឡើងស៊ុំរូបថត និងលាបពណ៌ក្រណាត់ឱ្យរឹង, មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ, មានទុនវិនិយោគចំនួន ១ លានដុល្លារអាមេរិក និងអាចបង្កើតការងារបានចំនួន ៤៥ កន្លែង។

៤-“ KING SHORE GLASS (CAMBODIA) CO., LTD.”: គម្រោងបង្កើតរោងចក្រផលិតសម្ភារៈសំណង់, មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ, មានទុនវិនិយោគចំនួន ២ លានដុល្លារអាមេរិក និងអាចបង្កើតការងារបានចំនួន ៦០០ កន្លែង។

៥-“OPTIMUS BUILDING MATERIALS MANUFACTURING CO., LTD.”: គម្រោងបង្កើតរោងចក្រផលិតសម្ភារៈសំណង់, មានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ ខេត្តព្រះសីហនុ, មានទុនវិនិយោគចំនួន ១ លានដុល្លារអាមេរិក និងអាចបង្កើតការងារបានចំនួន ៤៤ កន្លែង៕

Related Articles