We TV Cambodia

គួរស្វែងយល់ អំពីនិតិវិធី នៃការផ្ទេរកម្មសិទ្ធិ ក្នុងវិស័យ ទិញលក់ អចលនទ្រព្យ ដែលមិនទាន់ចុះបញ្ជី

គួរស្វែងយល់ អំពីនិតិវិធី នៃការផ្ទេរកម្មសិទ្ធិ ក្នុងវិស័យ ទិញលក់ អចលនទ្រព្យ ដែលមិនទាន់ចុះបញ្ជី
រូបភាពឯកសារ

ការផ្ទេរកម្មសិទ្ធិអចលនទ្រព្យ ដីធ្លីគឺជារឿងសំខាន់ណាស់ ដែលប្រជាជនខ្មែរ​ គួរតែស្វែងយល់ ទាំងអស់គ្នា។ ជាពិសេស ប្រភេទដីធ្លីដែលមិនទាន់មាន ប័ណ្ណកម្មសិទ្ធិចុះបញ្ញីដោយត្រឹមត្រូវ ខណៈគ្រាន់តែជា ការគ្រប់គ្រង តាមវិធីសាស្ដ្របុរាណ តៗគ្នា។ ខាងក្រោមគឺជានិតិវិធី ដើម្បីផ្ទេរកម្មសិទ្ធិ ដីធ្លីដែលមិនទាន់បានចុះបញ្ជី៖

ជំហានទី១ រាល់ការផ្ទេរកម្មសិទ្ធិ អចលនទ្រព្យ អ្នក ត្រូវដាក់ពាក្យស្នើរសុំ ផ្ទេរសិទ្ធិកាន់កាប់អចលនទ្រព្យ នៅការិយាល័យច្រកចេញចូលតែ១ នៃសា​​លាស្រុក-ខណ្ឌ ដែល ស្ថិតនៅក្បែរលោកអ្នក។

ជំហ៊ានទី២ អ្នកត្រូវរងចាំ ខាងស្រុក-ខណ្ឌ ផ្ដល់ដំណឹងដល់ អ្នកស្នើរសុំ អំពីការចុះវាស់វែងដីធ្លី និងធ្វើកំណត់ហេតុអំពីការចុះវាស់វែង។

ជំហានទី៣ មន្ដ្រីខាងស្រុក-ខណ្ឌ នឹងរៀបចំឯកសារ ដើម្បីអោយអ្នកស្នើរសុំយកឯកសារទៅបង់ពន្ធប្រថាប់ត្រាដែលមានតម្លៃ ៤% នៃតម្លៃលក់អចលនទ្រព្យ។

ជំហានទី៤ អ្នកស្នើរសុំត្រូវយកបង្កាន់ដៃបង់ពន្ធរួចរាល់នោះ ទៅស្រុក-ខណ្ឌវិញ ដើម្បីដាក់ឲ្យស្រុក-ខណ្ឌ ពិនិត្យ និងសំរេច ដើម្បីបញ្ចប់ការផ្ទេរសិទ្ធិកាន់កាប់ អចលនទ្រព្យ ជូនអ្នកទិញ ត្រឹមថ្នាក់ស្រុក-ខណ្ឌ។

ជំហានទី៥ អ្នកនឹងទទួលសំណុំ ឯកសារនៃការផ្ទេរសិទ្ធិ អចលនទ្រព្យដែលបានផ្ទេរសិទ្ធិត្រឹមត្រូវ ឲ្យទៅឈ្មោះអ្នកទិញ ដោយមានទាំង ឯកសារបញ្ជាក់ពីការបង់ពន្ធប្រថាប់ត្រា៤%៕

គូសបញ្ជាក់ផងដែរថា ការបង់ពន្ធប្រថាប់ត្រា លើអចលនទ្រព្យ(មិនទាន់បានចុះបញ្ជី) គឺជាលក្ខ​ខណ្ឌគោលការណ៍ តម្រូវសេចក្តីណែនាំលេខ ៨៧២៦ របស់អគ្គនាយកដ្ឋានពន្ធដារ ស្តីពីការអនុវត្ត នៃការប្រមូលពន្ធប្រថាប់ត្រា លើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យចុះថ្ងៃទី១៤ ខែមិថុនា ឆ្នាំ២០១៦ ។

អត្ថបទដោយ៖ Stince

ប្រភព៖ www.propertyarea.asia

Related Articles