We TV Cambodia

គិតត្រឹមថ្ងៃនេះ ចំនួនអ្នកឆ្លងជំងឺ COVID-19 ក្នុងតំបន់អាស៊ានកើនឡើងដល់ជិត ៤ម៉ឹននាក់ ខណៈសិង្ហបុរីឈរលេខរៀងទី១ ចំណែកកម្ពុជាលេខ៩

គិតត្រឹមថ្ងៃនេះ ចំនួនអ្នកឆ្លងជំងឺ COVID-19 ក្នុងតំបន់អាស៊ានកើនឡើងដល់ជិត ៤ម៉ឹននាក់ ខណៈសិង្ហបុរីឈរលេខរៀងទី១ ចំណែកកម្ពុជាលេខ៩
ប្រទេសក្នុងតំបន់អាស៊ាន (ប្រភព៖ Google)

គិតចាប់តាំងពីមេរោគ COVID-19 ផ្ទុះឡើងរហូតមកដល់ពេលនេះគឺមានរយៈពេលប្រមាណជាជាង ៣ខែមកហើយ ចំណែកឯចំនួនអ្នកឆ្លងក៏មានការកើនឡើងឥតឈប់ឈរផងដែរ។ គិតត្រឹមព្រឹកថ្ងៃទី២៧ ខែមេសា ឆ្នាំ២០២០នេះ COVID-19 បានរីករាលដាលជាង ២០០ប្រទេសហើយនៅទូទាំងពិភពលោក ដែលមានអ្នកឆ្លងសរុបចំនួន ២,៩៩៤,៧៦១នាក់ និងអ្នកស្លាប់បានកើនដល់ ២០៦,៩៩២នាក់ ហើយសហរដ្ឋអាមេរិកជាប្រទេសដែលមានអ្នកឆ្លង និងអ្នកស្លាប់ច្រើនជាងគេគឺ អ្នកឆ្លងមានចំនួន ៩៨៧,១៦០នាក់ ជំណែកអ្នកស្លាប់ ៥៥,៤១៣នាក់។

មិនតែប៉ុណ្ណោះ ប៉ុន្មានថ្ងៃចុងក្រោយនេះ ចំនួនអ្នកឆ្លង COVID-19 ក្នុងតំបន់អាស៊ានមានការកើនឡើងគួរឲ្យកត់សំគាល់ផងដែរ ជាពិសេសបណ្ដាប្រទេសអាស៊ានដីកោះដូចជា សិង្ហបុរី និងឥណ្ឌូនេស៊ីជាដើម។ បើគិតមកត្រឹមព្រឹកថ្ងៃទី២៧ ខែមេសានេះ ចំនួនអ្នកឆ្លង COVID-19 ក្នុងតំបន់អាស៊ានបានកើនដល់ជិត ៤ម៉ឺនអ្នក និងអ្នកស្លាប់ចំនួន ១,៤១១នាក់ ខណៈសិង្ហបុរីឈរលេខរៀងទី១ ចំណែកកម្ពុជាស្ថិតក្នុងលេខរៀងទី៩។

បណ្ដាប្រទេសឆ្លង COVID-19 នៅទូទាំងពិភពលោក (ប្រភព៖ Google)

១, ប្រទេសសិង្ហបុរី៖ មានអ្នកឆ្លងសរុបចំនួន ១៣,៦២៤នាក់ និងអ្នកស្លាប់ចំនួន ១២នាក់

២, ប្រទេសឥណ្ឌូនេស៊ី៖ មានអ្នកឆ្លងសរុបចំនួន ៨,៨៨២នាក់ និងអ្នកស្លាប់ចំនួន ៧៤៣នាក់

៣, ប្រទេសហ្វីលីពីន៖ មានអ្នកឆ្លងសរុបចំនួន ៧,៥៧៩នាក់ និងអ្នកស្លាប់ចំនួន ៥០១នាក់

៤, ប្រទេសម៉ាឡេស៊ី៖ មានអ្នកឆ្លងសរុបចំនួន ៥,៧៨០នាក់ និងអ្នកស្លាប់ចំនួន ៩៨នាក់

៥, ប្រទេសថៃ៖ ​មានអ្នកឆ្លងសរុបចំនួន ២,៩២២នាក់ និងអ្នកស្លាប់ចំនួន ៥១នាក់

៦, ប្រទេសវៀតណាម៖ មានអ្នកឆ្លងសរុបចំនួន ២៧០នាក់ (គ្មានអ្នកស្លាប់)

៧, ប្រទេសមីយ៉ាន់ម៉ា៖​ មានអ្នកឆ្លងសរុបចំនួន ១៤៦នាក់ និងអ្នកស្លាប់ចំនួន ០៥នាក់

៨,​ ប្រទេសប៊្រុយណេ៖ មានអ្នកឆ្លងសរុបចំនួន ១៣៨នាក់ និងអ្នកស្លាប់ចំនួន ០១នាក់

៩, ប្រទេសកម្ពុជា៖ មានអ្នកឆ្លងសរុបចំនួន ១២២នាក់ (គ្មានអ្នកស្លាប់)

១០, ប្រទេសឡាវ៖ មានអ្នកឆ្លងសរុបចំនួន ១៩នាក់ (គ្មានអ្នកស្លាប់)

គូសបញ្ជាក់ផងដែរថា របាយការណ៍នេះត្រូវបានដកស្រង់ចេញពីគេហទំព័រ worldometers គិតត្រឹមម៉ោង១០:០០នាទីព្រឹក ថ្ងៃទី២៧ ខែមេសា ឆ្នាំ២០២០ ហើយទិន្នន័យនេះក៏អាចមានការប្រែប្រួលផងដែរទៅតាមស្ថានការណ៍ និងការវិវត្តជាក់ស្ដែងផងដែរ។

អត្ថបទដោយ៖ Nevin

Related Articles