We TV Cambodia

គម្រោងអភិវឌ្ឈផ្លូវជាតិ លេខ៥ ពីខេត្ដកណ្ដាល ដល់ បន្ទាយមានជ័យ យ៉ាងណាហើយ?

គម្រោងអភិវឌ្ឈផ្លូវជាតិ លេខ៥ ពីខេត្ដកណ្ដាល ដល់ បន្ទាយមានជ័យ យ៉ាងណាហើយ?

ភ្នំពេញ៖ គម្រោងអភិវឌ្ឈន៍ផ្លូវជាតិ លេខ៥ ទៅជាផ្លូវហាយវេ លំដាប់លេខ១ ដែលមានប្រវែង វែងជាងគេក្នុងប្រទេសកម្ពុជា ត្រូវបានសម្រេច លទ្ធផលជិតបាន ៧០ភាគរយហើយ ជាមួយគម្រោងទឹកប្រាក់ ដល់ទៅប្រមានជា ៥០០លានដុល្លារ។

គម្រោងអភិវឌ្ឈន៍ ផ្លូវជាតិលេខ៥ទៅជា ផ្លូវហាយវេ ដែលមានប្រវែង សរុបចំនួន៣៦៦គីឡូម៉ែត្រ កាត់ខេត្តកំពង់ឆ្នាំង ពោធិ៍សាត់ បាត់ដំបង និងទៅដល់បន្ទាយមានជ័យ ពេលនេះ ទទួលបានលទ្ធផល ស្ទើតែ ៧០ភាគរយហើយ ក្រោមការខិតខំប្រឹងប្រែង​ពីភាគីទទួលគម្រោង។

យោងតាមការចុះផ្សាយជាផ្លូវការរបស់ ផេកសាធារណៈការ និងដឹកជញ្ជូនបានបង្ហាញថា៖ គម្រោងធ្វើឱ្យប្រសើរឡើងផ្លូវជាតិលេខ៥មានប្រវែងសរុបចំនួន​៣៦៦​គីឡូម៉ែត្រ ឋិតក្នុងខេត្តកំពង់ឆ្នាំង ពោធិ៍សាត់ បាត់ដំបង និងបន្ទាយមានជ័យ ជាគម្រោងក្រោមកម្ចីឥណទាន សម្បទានពីរដ្ឋាភិបាលជប៉ុន តាមរយៈ​ទីភ្នាក់​ងារ​សហប្រតិបត្តិការអន្តរជាតិជប៉ុនប្រចាំកម្ពុជា គ្រោង ចំណាយថវិកាប្រមាណ៥០០ លានដុល្លារសហរដ្ឋអាមេរិក។

ការងារស្ថាបនាត្រូវ​បាន​បែងចែក​ជាបីផ្នែក ធំៗរួមមាន៖ ផ្នែកខាងជើង ផ្នែកខាងត្បូង និងផ្នែកកណ្តាល ដោយក្នុងនោះ៖ មានការពង្រីកកំណាត់ផ្លូវ ជាតិមានស្រាប់ពី២គន្លង ទៅ៤គន្លង ទទឹង២៣ម៉ែត្រ មានប្រវែងសរុប៣០៤គីឡូម៉ែត្រ ក្រាលជំនួស ដោយកៅស៊ូAC និងមានសួរច្បារកណ្តាល។ គម្រោងស្ថាបនា​កំណាត់​​ផ្លូវនេះត្រូវបានបែងចែកជាពីរកញ្ចប់ក្នុងនោះ៖ កញ្ចប់ទី១សាងសង់ដោយ ក្រុមហ៊ុនសម្ព័ន្ធក្រុមហ៊ុន Tekken-Taiyo JV មានប្រវែង ៤៦,២៧គម (ផ្លូវវាងក្រុងបាត់ដំបងប្រវែង ២៣,៩២គម) ហើយកញ្ចប់ទី២សាងសង់ដោយក្រុមហ៊ុនសម្ព័ន្ធក្រុមហ៊ុន Daiho-Asanuma JV មានប្រវែង៣៨,៤៧គម (ផ្លូវវាងក្រុងសិរីសោភ័ណប្រវែង ៩,៣៤គម) និងត្រួតពិនិត្យបច្ចេកទេសដោយ ក្រុមហ៊ុនទីប្រឹក្សាបច្ចេកទេស KEI-OCG-KCI Joint Venture in association with KCEC និង TANCONS ហើយការស្ថាបនាមានរយៈពេលន៣៦ខែ។ ដោយឡែក គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ ភាគខាងជើង (បាត់ដំបង-សិរីសោ ភ័ណ)នេះ ចាប់ផ្តើមសាងសង់ចេញពីខេត្តបាត់ដំបងរហូតដល់ ខេត្តបន្ទាយមានជ័យ មានប្រវែងសរុប ៨៤,៧៤ គីឡូម៉ែត្រ គ្រោងចំណាយថវិកាប្រមាណ​១៤៣,០៤ លានដុល្លារអាមេរិក និងបានសម្ភោធបើក ការដ្ឋានសាងសង់កាលពីថ្ងៃទី២៦ មីនា ២០១៨ ហើយគិតរហូតមកដល់ពេលនេះសកម្មភាពការងារ ដែលបានសម្រេចបានគិតត្រឹមថ្ងៃទី២៦ ខែមករា ឆ្នាំ២០២០គឺ៖ កញ្ចប់ទីមួយសម្រេចបាន ៦៨,១០% និងកញ្ចប់ទីពីរសម្រេចបាន៦៦,១០%ហើយ។

គួរកត់សម្គាល់​ផង​ដែរថា៖ កំណាត់ផ្លូវជាតិនេះជាផ្លូវអាស៊ានហាយវេលេខ១ អាចបង្កើនការនាំចេញ-នាំចូល និងជាផ្លូវមួយប្រកបដោយសក្តានុពលខ្ពស់សម្រាប់បម្រើវិស័យសេដ្ឋកិច្ចកម្ពុជា ពិសេសអាចកាត់ បន្ថយគ្រោះថ្នាក់ និងការ កកស្ទះចរាចរណ៍បានយ៉ាងច្រើន។ លើសពីនេះទៅទៀត ប្រជាពលរដ្ឋតាមដង ផ្លូវនេះនឹងមានជីវភាពកាន់តែល្អប្រសើរតាមរយៈកំណើននៃការអភិវឌ្ឍ វិនិយោគ និងទេសចរណ៍៕

ទស្សនារូបភាពខាងក្រោម៖

អត្ថបទដោយ៖ អឿ អ៊ុយ

ប្រភព៖ ក្នុងស្រុក

Related Articles