គណៈកម្មការជាតិប្រយុទ្ធនឹងជំងឺ COVID-19 ទទួលបានថវិកាបរិច្ចាគពីអគ្គិសនីកម្ពុជាចំនួន ១២៤លានរៀល

ឯកឧត្តម សេង​ ទៀ នាយករងខុទ្ទការល័យសម្តេចតេជោ​ ហ៊ុន​ សែន និងជាតំណាងគណៈកម្មការជាតិប្រយុទ្ធនឹងជំងឺ COVID-19 បានទទួលថវិកាដែលបរិច្ចាគពីថ្នាក់ដឹកនាំ​ និងនិយោជិត-កម្មករទាំងអស់​ នៃ​អគ្គិសនីកម្ពុជាទូទាំងប្រទេសចំនួន ១២៤លានរៀល ដើម្បីប្រយុទ្ធប្រឆាំងនឹងជំងឺ COVID-19 ។ នេះបើយោងតាមផេកផ្លូវការរបស់អគ្គិសនីកម្ពុជា។

គូសបញ្ជាក់ថា ចាប់តាំងពីរកឃើញមានការករណីអ្នកឆ្លងជំងឺ​ COVID-19 ក្នុងប្រទេសកម្ពុជាមក បណ្ដាក្រុមហ៊ុន និងសប្បុរសជនជាច្រើនបានចូលរួមបរិច្ចាគថវិកាក្នុងការចូលរួមប្រយុទ្ធប្រឆាំងនឹងជំងឺ COVID-19 ដែលនេះជាការបង្ហាញពីការចូលរួមសាមគ្គីគ្នារវាងប្រជាជនកម្ពុជាគ្នុងគ្រាមានអាសន្នផងដែរ។

អត្ថបទដោយ៖ Nevin

ប្រភព៖ ក្នុងស្រុក