We TV Cambodia

ខ្សែ​រថភ្លើង​លើ​អាកាស​លើក​​ដំបូង​របស់​វៀតណាម​ នឹង​ត្រូវ​ដាក់​អោយ​ដំណើរការ​នៅ​ឆ្នាំ ២០២០ នេះ​

ខ្សែ​រថភ្លើង​លើ​អាកាស​លើក​​ដំបូង​របស់​វៀតណាម​ នឹង​ត្រូវ​ដាក់​អោយ​ដំណើរការ​នៅ​ឆ្នាំ ២០២០ នេះ​

ដោយៈ ទិន សុខាវុធ

ខ្សែ​​រថភ្លើង​រត់​នៅ​លើ​ស្ពាន​​អាកាស (metro) ​​នៅ​ក្នុង​ទីក្រុង​ហាណូយ លើក​ដំបូង​របស់​ប្រទេស​វៀតណាម នឹង​​ត្រូវ​ដាក់​អោយ​ដំណើរការ​នៅ​ក្នុង​ឆ្នាំ​ ២០២០ នេះ យោង​តាម​សារព័ត៌មាន​ VN Express របស់​វៀតណាម​។

សារព័ត៌​មាន VN Express ​បាន​អោយ​ដឹង​ទៀត​ថា គំរោង​វិនិយោគ​ខ្សែ​រថភ្លើង​នេះ គិត​ជា​ទឹក​ប្រាក់​សរុប​​មាន​ចំនួនប្រមាណ​ជា $868 លាន​ដុល្លារ​​ សំរាប់​ការសាងសង់​ផ្លូវ​រថភ្លើង​លើអាកាស​ប្រវែង ១៣​ គីឡូម៉ែត និង​​ស្ថានីយ​ចំណតចំនួន​ ១២ កន្លែង​។

គំរោង​​ខ្សែ​រថភ្លើង​នេះ​ធ្លាប់ត្រូវ​បាន​ប្រកាស​ម្តង​រួម​មក​ហើយ​ថា នឹង​ត្រូវ​ដាក់​អោយ​ដំណើរការ​នៅ​ក្នុង​ឆ្នាំ ២០១៩ កន្លង​ទៅ​នេះ​។ ក៏ប៉ុន្តែ គំរោង​នេះ​ត្រូវ​បាន​ពន្យាពេលទៅ​វិញ ដោយ​សារ​បញ្ហា​សុវត្ថិភាព​។

ដើម្បី​ដោះស្រាយ​​បញ្ហា​សុវត្ថិភាព​​ រដ្ឋាភិបាល​វៀតណាម​បាន​ជួល​ក្រុមហ៊ុនបារាំង Apave Certifier-Tricc អោយ​មក​ធ្វើការត្រួតពិនិត្យ​ផ្លូវ​ដែក​នេះ បន្ទាប់​ពីក្រុមហ៊ុន​ចិន​មួយ​បាន​ម៉ៅការ​សាងសង់​រួច​រាល់​អស់​ហើយ​​។

យ៉ាងណា​ម៉ិញ ការសាងសង់​ផ្លូវដែក​នេះ ត្រូវ​បាន​ចាប់​ផ្តើម​ឡើងតាំង​ពីឆ្នាំ ២០១១ មកម្លេះ តែ​ដោយ​មាន​បញ្ហា​ហិរញ្ញវត្ថុ គំរោងវិនិយោគ​នេះ​ត្រូវ​បានពន្យា​ពេល​រហូត​មក​ដល់​ឆ្នាំ ២០១៧ ទើប​បញ្ហា​ហិរញ្ញវត្ថុ​ត្រូវ​បាន​ដោះ​ស្រាយ​រួច ដោយ​សារ​​តែ​ប្រទេស​ចិន​​បាន​សុខចិត្ត​ផ្តល់​កំចី​សំរាប់​គំរោង​នេះ​៕

Related Articles