We TV Cambodia

ខេត្ត​ក្រចេះ​មាន​តំបន់​អេកូទេសចរណ៍​ចំនួន ៣

ខេត្ត​ក្រចេះ​មាន​តំបន់​អេកូទេសចរណ៍​ចំនួន ៣

ដោយៈ ទិន សុខាវុធ

នៅ​ក្នុង​ខេត្ត​ក្រចេះ​មាន​តំបន់​អេកូ​ទេសចរណ៍​ចំនួន​ ៣ ដែល​​មាន​សោភ័ណភាព​អាច​ទាក់ទាញ​ភ្ញៀវ​ទេចរណ៍​ជាតិ​និង​អន្តរ​ជាតិ​ អោយ​ទៅ​កំសាន្ត​នៅ​ទីនោះ​បាន​គ្រប់​ពេល​វេលា​។

យោង​តាម​លោក ទុយ សុវណ្ណា មេ​ឃុំ​សំបុក ស្រុក​ចិត្ត​បុរី ខេត្ត​ក្រចេះ តំបន់​ទេសចរណ៍​ទាំង ៣ នោះ​រួម​មាន​ តំបន់​រមណីយដ្ឋាន​អន្លង់​ផ្សោត​កាំពី តំបន់​រមណីយដ្ឋានទឹក​ឈូរ​​ស្ថិត​ក្នុង​ក្រុង​ក្រចេះ និង​​តំបន់​រមណីយដ្ឋាន​ទឹក​ឈូរ​ក្នុង​ស្រុក​ចិត្រ​បុរី​ មាន​សក្តានុពល​ខ្លាំង​ក្នុង​ការទាក់ទាញ​ភ្ញៀវ​ទេសចរណ៍​​អោយ​មក​លេង​កំសាន្ត​។

លោក​មេឃុំ​រូប​នេះ បាន​បន្ថែម​ទៀត​ថា តំបន់​ទេសចរណ៍​ទាំងនោះ​កើត​មាន​ឡើង​តាំង​ទសសវត្ស​ទី ៦០ មក​ម្លេះ ដែល​នៅ​ពេល​នោះ​ភ្ញៀវ​ទេសចរណ៍​ជាតិ​និង​អន្តរជាតិ មក​លេង​នៅ​ទីនោះ មាន​ទាំង​ជិះរថយន្ត និង​ម៉ូតូ​គ្រប់​ប្រភេទ​ ដែល​នៅ​ពេល​នោះ​ ប្រទេស​កម្ពុជា​យើង​ក៏​មាន​សុខ​សន្តិសភាព​ដូច​ជា​សព្វថ្ងៃ​នេះ​ដែរ​។

ចំណែក​​ឯ​លោក ជួប រតនា ប្រធាន​មន្ទីរ​ទេសចរណ៍​ខេត្ត​ក្រចេះ​វិញ បាន​អោយ​ដឹង​ថា នៅ​ក្នុង​ឱកាស​ពិធី​បុណ្យ​សកល ២០២០ នេះមាន​ភ្ញៀវ​ទេសចរណ៍​ជាតិ​និង​អន្តរជាតិ​ជា​ច្រើន​នាក់​បាន​មក​លេង​នៅ​តាម​តំបន់​ទេសចរណ៍​នានា នៅ​ក្នុង​ខេត្ត​របស់​លោក​។

បើ​តាម​លោក ជួប​ រតនា នៅ​ថ្ងៃ​ឆ្លង​ឆ្នាំ​កន្លង​ទៅ​នេះ កំណើន​ភ្ញៀវ​ទេចរណ៍​កើន​ឡើង​ប្រមាណ​ជា ១០% ចំណែក​ឯ​កំណើន​នៃ​ភ្ញៀវ​ទេសចរណ៍​អន្តរជាតិ​វិញ មាន​ការកើន​ឡើង​ប្រមាណ​ជា ៥% ។ ហើយ​ទោះ​បី​ជា​អាជ្ញាធរ​ខេត្ត​ក្រចេះ​មិន​បាន​រៀប​ពិធី​អ្វី​អោយ​ធំ​ដុំ​យ៉ាង​ណា​ក៏​ដោយ ក៏​ភ្ញៀវ​ទេសចរណ៍​ទាំងនោះ​បាន​មក​លេង​ខេត្តរបស់​លោក ដោយ​ការ​ដើរ​លេង​មាន​លក្ខណៈ​ជា​ក្រុម និង​ការបោះ​ជំរំ​នៅ​លើ​កោះ​ទ្រង់​ជា​ដើម​៕

Related Articles