We TV Cambodia

ខេត្តព្រះសីហនុចាប់ផ្ដើមមានវិនិយោគចិនត្រឡប់មកវិញបណ្ដើរៗហើយ

ខេត្តព្រះសីហនុចាប់ផ្ដើមមានវិនិយោគចិនត្រឡប់មកវិញបណ្ដើរៗហើយ
ជនជាតិចិនត្រឡប់មកកម្ពុជាវិញ (ប្រភព៖ Google)

វិនិយោគចិនចាប់ផ្ដើមត្រឡប់មកខេត្តព្រះសីហនុវិញជាបណ្ដើរៗហើយ ដោយមានជើងហោះហើរត្រង់ពីចិនមកកម្ពុជាចំនួន ៤ជើងឯណោះក្នុងមួយសប្ដាហ៍។ នេះបើតាមការឲ្យដឹងពី លោក​នង​ឌី ណា​រ៉ា  ប្រធានការិយាល័យ​ទំនាក់ទំនង​សាធារណៈនៃ​ទីចាត់ការ​ពិធីការ  និង​កិច្ចសហប្រតិបត្តិការ​អន្តរជាតិ។

ជនជាតិចិនត្រឡប់មកកម្ពុជាវិញ (ប្រភព៖ Google)

តាមការប៉ាន់ស្មាន អ្នកដំណើរទាំងអស់មានចំនួនប្រមាណ ៣០០ ទៅ ៤០០នាក់ និងបានធ្វើការ​ត្រួតពិនិត្យ​សុខភាព​យ៉ាង​ម៉ត់ចត់​ពី​មន្ត្រី​សុខាភិបាល​ខេត្តព្រះសីហនុ ដោយតម្រូវឱ្យធ្វើ​ច​ត្តា​ឡី​ស័ក ១៤ថ្ងៃ​នៅក្នុង​ទីតាំងដែល​កំណត់ដោយ​រដ្ឋបាល​ខេត្ត។ លោកក៏ជឿជាក់ដែរថា ការវិលត្រឡប់មកវិញរបស់ជនជាតិចិន នឹងធ្វើសណ្ឋាគារ ភោ​ជនី​ដ្ឋា​ន អ្នកលក់​បន្លែ ត្រី សាច់ មធ្យោបាយ​ដឹកជញ្ជូន​មានដំណើរការឡើងវិញ។

ខេត្តព្រះសីហនុបច្ចប្បន្ន (ប្រភព៖ Google)

លោក ច្រឹ​ក សុខ​នី​ម ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា បាន​ឲ្យដឹងថា ការរីករាលដាលនៃ COVID-19 បានធ្វើឲ្យវិស័យអចលនទ្រព្យក្នុងខេត្តព្រះសីហនុទាំងមូលត្រូវគាំង ហើយការវិលត្រឡប់មកវិញរបស់ជនជាតិចិននេះ មិនទាន់អាចស្ដារទីផ្សារអចលនទ្រព្យឲ្យមានសន្ទុះឡើងវិញភ្លាមៗនោះទេ ពោលគឺវាត្រូវការពេលបន្ថែមទៀត។

ខេត្តព្រះសីហនុបច្ចប្បន្ន (ប្រភព៖ FB: HEANG)

លោកបន្តថា ក្រៅពីវិស័យអចលនទ្រព្យ និងសំណង់ វិស័យផ្សេងៗទៀតក៏ត្រូវបានផ្ងាលដំណើរការផងដែរក្នុងកំលុងពេល COVID-19 ដែលវាធ្វើឲ្យផលប៉ះពាល់កាន់តែមានភាពធ្ងន់ធ្ងរ។ ប៉ុន្តែ បើ COVID-19 ត្រូវបានទប់ស្កាត់ និងបញ្ឃប់ការរីករាលដាលនៅក្នុងប្រទេសចិន និងបណ្ដាប្រទេសផ្សេងៗទៀតក្នុងតំបន់ វិស័យអចលនទ្រព្យ និងវិស័យដទៃទៀតក្នុងប្រទេសកម្ពុជានឹងអាចងើបឡើងវិញ។

ខេត្តព្រះសីហនុបច្ចប្បន្ន (ប្រភព៖ FB: HEANG)

សូមបញ្ជាក់ថា ខេត្តព្រះសីហនុជាខេត្តមួយដែលមានវិនិយោគចិនទៅធ្វើការវិនិយោគច្រើនជាងគេ ក្នុងចំណោមខេត្តទាំងអស់ក្នុងប្រទេសកម្ពុជា។ ប៉ុន្តែក្រោយពីមានការផ្ទុះរីករាលដាលនៃជំងឺ COVUD-19 មក អាជីវកម្មស្ទើរតែទាំងស្រុងក្នុងខេត្តនេះត្រូវបានផ្អាក និងបិទដំណើរការ ដោយសារតែការវិលត្រឡប់ទៅវិញរបស់ជនជាតិចិន។

អត្ថបតដោយ៖ Nevin

ប្រភព៖ ក្នុងស្រុក

Related Articles