We TV Cambodia

ខេត្ដមណ្ឌលគិរី វត្ដមានឪឡឹកទុំលឿងមានហើយ ទំនងឃ្លានអត់?

ខេត្ដមណ្ឌលគិរី វត្ដមានឪឡឹកទុំលឿងមានហើយ ទំនងឃ្លានអត់?

កម្សាន្ដ៖ ប្រិយមិត្ដមួយចំនួនធំ ប្រហែលជាមានអារម្មណ៍ប្លែកបន្ដិចហើយ ពីពណ៌សម្បុរដ៏សែនគួឲ្យទាក់ទាញ​ដែលមានក្នុងផ្លែរុក្ខជាតិនេះ។ កន្លងមករាប់ជំនាន់ និងគ្រប់ទីកន្លែង ប្រជាជនខ្មែរយើងប្រទះភ្នែកឃើញតែ ផ្លែឪឡឹកទុំ​មាន​លក្ខណៈពណ៌ក្រហម តែម្ដងនេះស្រាប់តែផ្លែឪឡឹកប្រភេទនេះ បែជាទុំពណ៌លឿងទៅវិញ។ ហើយម្យ៉ាងវិញទៀត វាមានវត្ដមាននៅក្នុងខេត្ដមណ្ឌលគិរី ។

រូបភាពជាច្រើនសន្លឹក ត្រូវបានអ្នកប្រើប្រាស់បណ្ដាញទំនាក់ទំនងហ្វេសប៊ុក ចែករំលែកតៗគ្នា ជាមួយនឹងភាពគួជាទីភ្ញាក់ផ្អើលនូវរូបរាង ពណ៌យ៉ាងចម្លែករបស់ផ្លែឪឡឹកទាំងនេះ។ ផ្លែឪឡឹកទុំលឿង ប្រភេទ​នេះ តាមការសង្កេតមើលទៅ​ អាចជាការបង្ហាញវត្ដមានដាំដុះមុនតែម្ដង​នៅក្នុងប្រទេសកម្ពុជាប្រចាំខេត្ដមណ្ឌលគិរី។ ប៉ុន្ដែមិនជាថ្វីនោះទេ បើទោះបីជាមានការដាំនៅខេត្ដក៏ពិតមែន តែវាក៏ត្រូវបានចរាចរលក់នៅលើទីផ្សារក្នុងទីក្រុងភ្នំពេញផងដែរ។ បើចាប់អាម្មណ៍អាចទៅរកមើលបាន នៅហាងពិភពបន្លែ ផ្លែឈើ មណ្ឌលគិរី តាមបណ្ដោយផ្លូវកម្ពុជាក្រោម។

ដោយ៖ អឿ អ៊ុយ

ប្រភព៖ ហ្វេសប៊ុក

Related Articles