We TV Cambodia

ក្រុមហ៊ុន Smart Axiata គ្រោងពង្រីកបណ្តាញ Internet ល្បឿនលឿន 5G អោយបានដល់តំបន់ជនបទនៅទូទាំងប្រទេស

ក្រុមហ៊ុន Smart Axiata គ្រោងពង្រីកបណ្តាញ Internet ល្បឿនលឿន 5G អោយបានដល់តំបន់ជនបទនៅទូទាំងប្រទេស

 
 

ដោយៈ ទិន សុខាវុធ

ក្រុមហ៊ុន​ Smart Axiata គ្រោង​នឹង​ពង្រីក​បណ្តាញ​ Internet ល្បឿនលឿន 5G អោយ​បានដល់​គ្រប់​តំបន់​ជនបទ​​នៅ​ទូទាំង​ប្រទេស​ ក្នុង​គោល​បំណង​ចូល​រួម​អភិវឌ្ឍ​ប្រទេស​កម្ពុជា អោយ​​បាន​កាន់​តែ​ខ្លាំង​ក្លា​ឡើង​​ថែម​ទៀត​។

យោង​តាម​ទំព័រ Facebook របស់​លោកនាយករដ្ឋមន្ត្រី ហ៊ុន សែន កាល​ពី​ថ្ងៃ​ទី ១៧ ខែ ធ្នូ​ ឆ្នាំ ២០១៩ កន្លងទៅ លោក TAN SRI JAMALUDIN IBRAHIM នាយកក្រុមហ៊ុន Smart Ataxia បានត្រូវ​អនុញ្ញាត​អោយ​​ចូល​ជួប​សន្ទនា​ការងារ​​ជាមួយ​នឹង​លោកនាយក​រដ្ឋ​មន្ត្រី​ ហ៊ុន សែន នៅឯវិមាន​សន្តិភាព​។

«លោក TAN SRI បានគោរពជម្រាបជូនសម្ដេចតេជោទៀតថាក្រុមហ៊ុន Smart Axiata នឹងបន្តពង្រីកវិសាលភាពរបស់ក្រុមហ៊ុនបន្តទៀតដែលនឹងគ្របដណ្ដប់ទៅតាមទីជនបទនៅទូទាំងប្រទេស» នេះ​ជា​សំណេរ​នៅ​លើ​ទំព័រ Facebook របស់​លោកនាយក​រដ្ឋ​មន្ត្រី​ ហ៊ុន សែន ។

មួយវិញទៀត នៅ​ក្នុង​ជំនួប​សន្ទនា​នោះ លោក​ប្រធាន​ក្រុមហ៊ុន Smart Ataxia បាន​លើក​ឡើង​ថា កន្លង​មក​ក្រុមហ៊ុន​របស់​លោក​បាន​បោះ​ទុន​វិនិយោគ​បាន​​ចំនួន​ប្រមាណ $1,400 លាន​ដុល្លារ​​ហើយ តែ​ក្រុមហ៊ុន​របស់​លោក​នៅ​តែ​បន្តបោះទុន​វិនិយោគ​ជា​បន្តទៅ​ទៀត ដោយ​បង្កើត​ឡើ​ងនូវ​គំរោង​វិនិយោគ​ថ្មី​ៗ​​ថែម​ទៀត រួម​ទាំង​ប្រព័ន្ធ 5G ផង​ដែរ​។

«ការវិនិយោគរបស់ក្រុមហ៊ុន Smart Axiata គឺមិនត្រឹមតែដើម្បីរកផលចំណេញនោះទេ ប៉ុន្តែគឺមានគោលដៅចូលរួមចំណែកក្នុងការអភិវឌ្ឍសេដ្ឋកិច្ចកម្ពុជា ក៏ដូចជាសង្គមជាតិកម្ពុជាផងដែរ» នេះ​ជា​ការលើក​ឡើង​​នៅលើ​ទំព័រ Facebook របស់​លោកនាយ​ក​រដ្ឋ​មន្ត្រី​។

ទាក់ទង​នឹង​បញ្ហានេះ នៅក្នុង​របាយការណ៍​មួយ​មាន​ចំណង​ជើង​ថា « Benefitting From the Digital Economy» (ដើម្បី​ទទួល​បាន​ផល​ប្រយោជន៍​​ពី​សេដ្ឋកិច្ច​ឌីជីតល់) ចេញ​ផ្សាយ​​កាល​ពី​ឆ្នាំ​ ២០១៨ ធនាគារ​ពិភពលោក​បាន​គូស​បញ្ជាក់​ថា​មាន​បញ្ហា​ចំនួន​ ៤ ដែល​​កម្ពុជាត្រូវ​​គិតគូរ​ដោះ​ស្រាយ ដើម្បី​អាច​ទទួល​បាន​​នូវ​ផល​ប្រយោជន៍​ពីសេដ្ឋកិច្ច​នៅ​លើ​បណ្តាញ Internet ឬ​សេដ្ឋកិច្ច​​ឌីជីតល់​។ បញ្ហា​ទាំង​នោះ​រួម​មាន៖

១. ការទទួល​បាននូវ​សេវា​ Internet ល្បឿន​លឿន នៅ​មាន​កំរឹត​ទាប​នៅ​ឡើយ ទោះ​បីជា​ការប្រើប្រាស់​​សេវា​ទូរស័ព្ទដៃ​​មានចំនួន​ច្រើនយ៉ាង​ណា​ក៏​​ដោយ​។ កត្តា​នេះ​ធ្វើអោយ​កម្ពុជា​ស្ថិតនៅ​ក្រោយ​គេ បើ​ប្រៀបធៀប​ទៅនឹង​សេវា​ Internet ក្នុង​តំបន់​និង​ក្នុង​ពិភពលោក​។

២. ការប្រើប្រាស់​ប្រព័ន្ធ​ឌីជីតល់​នៅ​ក្នុង​មុខ​របរ​រក​ស៊ី ​របស់​ក្រុមហ៊ុន​ទាំងឡាយ​នៅ​មានកំរឹត​ទាប​នៅ​ឡើយ​។ ជាក់ស្តែង នៅ​ក្នុង​ឆ្នាំ ២០១៧ មាន​តែ​​​ចំនួន​ពាក់កណ្តាល នៃ​ក្រុមហ៊ុន​​ឯកជន​នៅ​កម្ពុជា​តែ​ប៉ុណ្ណោះ ដែល​មាន​គេហទំព័រ​ផ្ទាល់​ខ្លួន​ សំរាប់​រក្សាទុក​នូវ​ទិន្នន័យ​និង​ឬបង្ហាញ​​ទិន្នន័យ​​ទាក់ទង​នឹង​មុខ​របរ​របស់​ពួក​គេ​។ បញ្ហា​នេះ​បណ្តាលមកពីការខ្វះខាត​​នៃ​សេវា​រក្សា​ទុក​ទិន្នន័យ, ជំនាញ​ IT នៅ​មាន​កំរឹត​ទាប, និង​ពុំ​មាន​ក្របខណ្ឌ​ច្បាប់​អោយ​បានពេញ​លេញ​។

៣. កង្វះខាត​នៃ​ការដឹកនាំ​ក្នុង​ការបង្កើត​អោយ​មាន​រដ្ឋាភិបាលឌីជីតល់  ទោះ​បី​​ជា​មាន​ការបង្កើត​អោយ​មាននូវមជ្ឍមណ្ឌលទិន្នន័យ​របស់​រដ្ឋយ៉ាងណាក៏​ដោយ​។ បាន​ន័យ​ថា កម្ពុជា​មិន​ទាន់​មាន​សេចក្តី​ណែនាំ​ណាមួយ រួម​ទាំង​ស្តង់​ដារ​សុវត្ថភាព​ទាក់ទង​ទៅ​នឹង គេហទំព័រ​និង​សេវា​នៅលើបណ្តាញ​ពពក (cloud services) នៅ​​ឡើយ​នោះ​ទេ។

៤. ទាមទារ​អោយ​មាន​ការវិនិយោគ​ក្នុង​វិស័យ​ហេដ្ឋារចនាសម្ព័ន្ធ, វិស័យ​ច្បាប់,​ និង​ ជំនាញ IT អោយ​បាន​កាន់តែ​ច្រើនឡើង​ថែម​ទៀត​ ក្នុង​គោលបំណង​ចែក​រំលែក​ហេដ្ឋារចនា​សម្ព័ន្ធទាំងនោះ​​ជាមួយ​ក្រុមហ៊ុន​ឌីជីតល់​ផ្សេង​ៗ និង បង្កើត​ច្បាប់​និងបទដ្ឋាន​នានា​​ទាក់ទង​នឹង​ ពាណិជ្ជកម្មអេឡិច​ត្រូនិក (e-commerce) សន្តិសុខ​​លើ​បណ្តាញ (cybersecurity)  និង​ការបង្កើត​អោយ​មាន​រដ្ឋាភិបាល​ឌីជីតល់។

Rectangular Strategy Phase 4
Preparing for Digital Economy and the Fourth Industrial Revolution

1. Developing and implementing a long-term digital economy strategic framework while classifying digital sector as a sub-sector in the national accounts.

2. Further updating and implementing the telecommunication and ICT development policy, Master Plan for Information and Communication Technology as well as Law on Telecommunication, and relevant regulations, along with the development and implementation of a long-term ICT strategic framework.

3. Further strengthening and expanding the development of necessary supporting infrastructures, including ICT infrastructure, domestic postal and express delivery infrastructure and logistics and electronic payment infrastructure while assessing the possibility of developing a national internet gateway.

4. Promoting the establishment of a legal framework to support digital development, including the implementation of digital government and information security strategy, E-Commerce law, cybercrime law as well as amendment of laws and related regulations which underpin growth and prevent risks in this sector.

5. Developing education and training program by focusing on the broad use of digital technology and incorporation of the use and awareness of digital technology into the academic curriculum, in line with market demand, along with the establishment of partnership mechanism between businesses and universities and vocational training institutions to create new digital skill development and training programs.

6. Developing entrepreneurship and digital ecosystem which is conducive to the creation of new businesses, promoting the use of digital system in business, and establishing an entrepreneur cooperation mechanism within the Royal Government or partnership with private partnership frameworks. 

Related Articles