We TV Cambodia

ក្រុមហ៊ុន Futureworld ទទួលសិទ្ធិចែកចាយផលិតផល Apple បង្ខំចិត្ដបិទសាខា នៅខេត្ដសៀមរាប

ក្រុមហ៊ុន Futureworld ទទួលសិទ្ធិចែកចាយផលិតផល Apple បង្ខំចិត្ដបិទសាខា នៅខេត្ដសៀមរាប

សៀមរាប៖ ក្រុមហ៊ុន Futureworld ដែលទទួលសិទ្ធិចែកចាយ និងសេវាកម្មផ្សេងពីទីផ្សារផលិតផល Apple ក្នុងប្រទេសកម្ពុជា បានប្រកាសបិទសាខាខេត្ដសៀមរាប ត្រឹមថ្ងៃទី ២៦ ខែមិនា ឆ្នាំ២០២០ ខាងមុខនេះ។ សេចក្ដីប្រកាសនេះត្រូវបានធ្វើឡើង ដោយការប្រកាសជាសាធាណៈផ្ទាល់លើបណ្ដាញ ហ្វេសប៊ុក ផ្លូវការរបស់ក្រុមហ៊ុន។

ក្នុងសេចក្ដីប្រកាស Futureworld មិនបានបង្ហាញពីមូលហេតុច្បាស់លាស់ដែល ជម្រុញឲ្យមានការ បិទ សាខានោះទេ ប៉ុន្ដែត្រឹមតែជាការលើកឡើង យ៉ាងខ្លីថា ក្រុមហ៊ុនបានធ្វើការវាយតម្លៃប្រាក់ចំណូល ជាបន្ដ បន្ទាប់ និងការសម្លឹងមើលឃើញនូវសក្ដានុពលទីផ្សារនាពេលអនាគត នៅប្រទេសកម្ពុជា​ ទើបធ្វើឲ្យ​ក្រុមហ៊ុន បង្ខំចិត្ដត្រូវបិទសាខានេះ។​

ក្រុមហ៊ុន ​Futureworld គឺជាក្រុមហ៊ុន​សមាជិក​មួយ​នៃ​បណ្តា​ក្រុមហ៊ុន​​ Thakral Group ​ជា​អ្នកឯកទេស​ក្នុង​បណ្តាញ​លក់រាយ​ផលិតផល​ Apple នៅក្នុង​តំបន់​អាស៊ី​ប៉ាស៊ីហ្វិក​។ ក្រុមហ៊ុនមិនត្រឹមតែទទួលសិទ្ធិចែកចាយផលិតផល Apple នោះទេ ថែមទាំងមានសមត្ថភាពលើសេវា​ជួសជុលផងដែរ។ Futureworld គឺជា​ក្រុមហ៊ុន​មាន​មូលដ្ឋាន​នៅ​ប្រទេស​សិង្ហ​បុរី​ ដែលមាន​ហាង​លក់​ផលិតផល​ Apple ទូទាំង​​ទ្វីបអាស៊ី​ដែលមាន​ចំនួន​សរុបដល់ទៅ ៣៥ទីតាំង ​ក្នុង​បណ្តា​ប្រទេស​ចំនួន១០ រួមមាន​ ហុងកុង វៀតណាម ​ឥណ្ឌា​ ​ម៉ាឡេស៊ី ​នេ​ប៉ាល់ ​ហ្វីលីពីន ​បង់​ក្លា​ដេ​ស​ ស្រីលង្កា ​មី​យ៉ាន់​ម៉ា និងកម្ពុជា។

​Futureworld បានដំណើរការនៅកម្ពុជា​ចាប់តាំងពីឆ្នាំ ២០០៨​មកម្ល៉េះ នៅក្នុងទឹកដីខេត្ដសៀមរាប ក្រោយមកទៀត ក្នុងឆ្នាំ២០១៥ ក្រុមហ៊ុន ក៏បើកសម្ភោធន៍ដំណើរការសាខាថ្មីមួយទៀតនៅភ្នំពេញ នៅអគារពាណិជ្ជកម្ម វឌ្ឈនៈភ្នំពេញ។

អត្ថបទដោយ៖ អឿ អ៊ុយ

ប្រភព៖ ក្រៅស្រុក និង ក្នុងស្រុក

Related Articles