We TV Cambodia

ក្រុមហ៊ុន Chip Mong ទិញយកទ្រព្យសម្បត្តិសកម្មនិងអាជីវកម្មទាំងអស់របស់ក្រុមហ៊ុន Grand Phnom Penh

ដោយៈ ទិន សុខាវុធ

ក្រុមហ៊ុន​នៅ​កម្ពុជា​ដ៏​ធំ​មួយ​ មានឈ្មោះថា Chip Mong បាន​សំរេច​ទិញ​យក​ទ្រព្យ​សម្បត្តិសកម្ម និង​អាជីវកម្ម​ទាំងអស់​របស់​ក្រុមហ៊ុន Grand Phnom Penh ។​ ហើយ​ការផ្ទេរសិទ្ធិ​កាន់កាប់​ក្រុមហ៊ុន ​ Grand Phnom Penh ទៅ​អោយ​ក្រុមហ៊ុន Chip Mong មាន​ប្រសិទ្ធិភាព​ចាប់ពី​ថ្ងៃទី ១៦ ខែ តុលា ឆ្នាំ ២០១៩ តទៅ​។

យោង​តាម​កាសែត​ក្នុង​ស្រុក ក្រុមហ៊ុន​ Chip Mong ត្រូវ​បានគេទទួល​ស្គាល់​​ថា​ជា​ក្រុមហ៊ុន​មួយ​ មាន​បទពិសោធ​ន៍​​ និង​ទទួល​បាន​ជោគជ័យ​ជាច្រើន ក្នុង​ការអភិវឌ្ឍ​គំរោង​លំនៅ​ស្ថាន​ក្នុង​រាជ​ធានី​ភ្នំពេញ។

លើស​ពី​នេះ​ទៀត សំណង់​របស់​ក្រមហ៊ុន Chip Mong ត្រូ​វ​បានអតិថិជន​ទទួល​ស្គាល់​ថា​មាន​គុណភាពល្អ និងមានរចនាបថ​តាម​ស្តង់ដារទាន់សម័យ ដែល​ប្រកបដោយ​ផាសុខភាព​។ ជាលទ្ធផល សំណង់របស់​ក្រុមហ៊ុនេះ ត្រូវ​បានអតិថិជន​ជឿ​ទុក​ចិត្ត​។

ដោយឡែក បុរី Grand Phnom Penh International City របស់​ក្រុមហ៊ុន Grand Phnom Penh ត្រូវ​បាន​សង់​ឡើង​នៅលើ​ផ្ទៃ​ដី​មានទំហំ ២៦០ ហិកតា ស្ថិត​ក្នុង​ខ័ណ្ឌ​សែនសុខ រាជ​ធានីភ្នំពេញ​។ ហើយ​នៅ​ពេល​បច្ចុប្បន្ន​នេះ បុរី Grand Phnom Penh International City ជា​សំណង់​លំនៅដ្ឋាន​ដ៏​ធំ​ជាង​គេ និង​ដ៏​ប្រណិត​​មួយ​នៅ​ក្នុង​ប្រទេស​កម្ពុជា​​៕

Related Articles