We TV Cambodia

ក្រុមហ៊ុន Apple បិទហាងរបស់ខ្លួនទាំងអស់នៅទូទាំងពិភពលោក លើកលែងតែក្នុងប្រទេសចិន

ក្រុមហ៊ុន Apple បិទហាងរបស់ខ្លួនទាំងអស់នៅទូទាំងពិភពលោក លើកលែងតែក្នុងប្រទេសចិន
ហាងប្រតិបត្តិការរបស់ Apple (ប្រភព៖ Google)

ក្រុមហ៊ុន Apple នឹងបិទហាងរបស់ខ្លួនទាំងអស់នៅទូទាំងពិភពលោក លើកលែងតែប្រទេសចិន ហើយ Apple  នឹងចាប់ផ្ដើមបើកដំណើរការឡើងវិញនៅថ្ងៃទី២៧ ខែមីនានេះ ដើម្បីបង្ការពីការរាលដាលនៃមេរោគ COVID-19។ Apple ក៏បានប្តេជ្ញាថានឹងផ្ដល់ ១៥លានដុល្លារដើម្បីជួយដល់ពិភពលោកទាំងមូលផងដែរ។ នេះដោយយោងតាមលោក Tim Cook និយាយកាលពីថ្ងៃសៅរ៍កន្លងទៅនេះ។

យោងទៅតាមសេចក្តីថ្លែងការណ៍របស់ Tim Cook ក្រុមហ៊ុន Apple បានផ្លាស់ប្តូរទៅរកការរៀបចំការងារដែលអាចផ្លាស់ប្តូរបាននៅគ្រប់ការិយាល័យទាំងអស់នៅទូទាំងពិភពលោកលើកលែងតែប្រទេសចិន។ ដូច្នេះវិធីសាស្ត្រដែលល្អបំផុតដើម្បីកាត់បន្ថយហានិភ័យនៃការឆ្លងមេរោគ គឺចំណាយពេលឲ្យបានច្រើនទៅលើការធ្វើការងារតាមរយៈអនឡាញ។

ហាងប្រតិបត្តិការរបស់ Apple (ប្រភព៖ Google)

លោក Tim Cook បាននិយាយនៅក្នុងសេចក្តីថ្លែងការណ៍នោះថា ចាប់តាំងពីអត្រាឆ្លងនៅក្នុងប្រទេសចិនបានធ្លាក់ចុះយ៉ាងខ្លាំងមក រាល់ហាង Apple នៅចិនបានបើកដំណើរការឡើងវិញហើយ។ ខ្ញុំចង់ថ្លែងអំណរគុណយ៉ាងជ្រាលជ្រៅចំពោះក្រុមការងាររបស់យើងនៅប្រទេសចិនចំពោះការប្តេជ្ញាចិត្ត និងស្មារតីរបស់ពួកគេ រួមទាំងក្រុមប្រតិបត្ដិការ និងដៃគូរបស់យើងដែលបានខិតខំប្រឹងប្រែងគួរឱ្យកត់សម្គាល់ដើម្បីស្តារចង្វាក់ផ្គត់ផ្គង់របស់យើងឡើងវិញ»។

គូសបញ្ជាក់ផងដែរថា ចាប់តាំងពីមេរោគ មានការរីករាលដាលកាន់តែខ្លាំងមក ក្រុមហ៊ុនជាច្រើនបានផ្លាស់ប្ដូរការប្រជុំរបស់ខ្លួនដោយបានធ្វើការប្រជុំតាតរយៈអនឡាញវិញម្ដង។

ប្រែសម្រួលដោយ៖ Nevin

ប្រភព៖ ក្រៅស្រុក

Related Articles