We TV Cambodia

ក្រុមហ៊ុន វីង និង អ៊ីអន សម្រេចចុះហត្ថលេខាលើអនុស្សរណៈនៃការយោគយល់គ្នា (MoU) ប្រើប្រាស់សេវា ចំណាយដោយ ប្រព័ន្ធ QR កូដ

ក្រុមហ៊ុន វីង និង អ៊ីអន សម្រេចចុះហត្ថលេខាលើអនុស្សរណៈនៃការយោគយល់គ្នា (MoU) ប្រើប្រាស់សេវា ចំណាយដោយ ប្រព័ន្ធ QR កូដ

ធនាគារឯកទេសវីង និង ក្រុមហ៊ុន អ៊ីអនម៉ល បានសម្រេចចុះហត្ថលេខាលើអនុស្សរណៈនៃការយោគយល់គ្នា (MoU) កាលពីថ្ងៃសុក្រ ក្នុងការផ្តល់នូវការទូទាត់សាច់ប្រាក់តាមប្រព័ន្ធសេវាកម្ម ឌីជីថល​ដោយ ការទូទាត់ជា QR ដល់អតិថិជនទាំងអស់នៅទីតាំងផ្សារទំនើបអ៊ីអនម៉លភ្នំពេញ។

លោក Manu Rajan នាយកប្រតិបត្តិក្រុមហ៊ុនវីង បានមានប្រសាសន៍ថា អនុស្សារណៈយោគយល់នេះត្រូវបានធ្វើឡើង ក្នុងគោលបំណង ផ្ដល់នូវបទពិសោធន៍នៃការ ប្រើប្រាស់ និងចាយវាយដោយមិនចាំ​បាច់​ត្រូវមានសាច់ប្រាក់ដោយផ្ទាល់ ។

លោកបានបន្ថែមទៀតថា ការបង់ប្រាក់ ដោយប្រើប្រាស់ QR គឺមានប្រជាប្រិយភាព ខ្លាំងឡើង​នៅ ទូទាំងពិភពលោកដោយសារតែភាពងាយស្រួល និង សុវត្ថិភាព។ ជាមួយគ្នានេះផងដែរ ភាពជាដៃគូនេះនឹងជឿជាក់ថា អាចផ្តល់ឱ្យអ្នករាល់គ្នានូវសេរីភាព និង សេវាកម្មកាន់តែប្រសើរឡើង។ ដើម្បីជៀសវាងការទាក់ទងផ្ទាល់ជាមួយចំនួនទឹកប្រាក់ដ៏ច្រើននៃកំណត់ត្រាសាច់ប្រាក់ដែលត្រូវបានផ្ទេរពីមនុស្សម្នាក់ទៅម្នាក់ទៀត។

ដោយ៖ Stince

Related Articles