បរទេស៖ យោងតាមរបាយការណ៍ដែលត្រូវបានចេញផ្សាយដោយ វិទ្យាស្ថាន អូស្ដ្រាលី Australian Strategic Policy Institute (ASPI) បានបង្ហាញឲ្យដឹងថា រដ្ឋាភិបាលចិនកំពុងតែបញ្ជូនប្រជាជាតិភាគតិច អ៊ួហ្គួរ ចេញពីជំរំឃុំឃាំងមួយកន្លែង ស្ថិតនៅតំបន់ Xinjiang ឲ្យចូលទៅតាមបណ្ដារោងចក្រជាច្រើន ទូទាំងប្រទេសចិន ដែលរោងចក្រទាំងនោះគឺជាប្រភពរោងចក្រដែលផលិត សំភារៈផ្គត់ផ្គង់ទៅឲ្យ បណ្ដាក្រុមហ៊ុន ម៉ាកល្បីៗ លើពិភពលោក។
ក្រុមហ៊ុនល្បីៗដែលត្រូវបានលាតត្រដាងបង្ហាញមានដូចជា ក្រុមហ៊ុន Apple, BMW, Gap, Huawei, Nike, Samsung, Volkswagen និង Sony និងជាច្រើនទៀត ដែលត្រូវបាន រងការចោទប្រកាន់ថាបានទទួលផលិតផល ផ្គត់ផ្គង់ពីរោងចក្រចិន ដែលកំពុងតែប្រើប្រាស់ កម្លាំងពលកម្មបង្ខំ។
របាយការណ៍បានបន្ដទៀតថា មានប្រជាជាតិភាគតិច មិនក្រោម ៨ម៉ឺននាក់នោះទេ ដែលរដ្ឋាភិបាលចិនបាន បញ្ជូនចេញពីតំបន់ជំរុំ ឃុំឃាំងនោះ ដើម្បីពង្រាយក្នុងរោងចក្រ ផលិតសំភារៈផ្គត់ផ្គង់ទូទាំងប្រទេស។ ចំណែក ក្រុមហ៊ុនដែលទទួលយកផលិតផលត្រូវបានដឹង គឺមិនក្រោម ៨៣ក្រុមហ៊ុន ដែលក្រុមហ៊ុនទាំងនោះគឺភាគច្រើន ជាក្រុមហ៊ុន ផ្ដោតលើ បច្ចេកវិទ្យា សំលៀកបំពាក់ និងផ្នែកយានយន្ដ។ ដោយឡែក ការប្រើប្រាស់ កំលាំងពលកម្មបង្ខំ ជនជាតិអ៊ួហ្គួរនេះ គឺស្ថិតក្រោមគម្រោងផ្លាស់ប្ដូរកម្លាំងពលកម្ម ក្រោមការឧបត្ថម្ភរបស់រដ្ឋាភិបាលចិន ដែល កំពុងតែជួបវិបត្ដិផ្នែកសំភារៈផ្គត់ផ្គង់ទៅកាន់ដៃគូជាសាកល។
បណ្ដាក្រុមហ៊ុន មួយចំនួនដែលកំពុងតែប្រើប្រាស់ ផលិតផលទទួលពី រោងចក្រដែលប្រើប្រាស់ កម្លាំងពលកម្មខុសច្បាស់របស់ប្រទេសចិនគួតែដឹងខ្លួនច្បាស់ណាស់ហើយ ពីគោលការនៃការរំលោភសិទ្ធិមនុស្ស ពីការទទួលយកនូវការនាំចូល ផលិតផលដែលមិនត្រឹមត្រូវ។
ភ្នាក់ងារសារព័ត៌មាន AFP បានទាក់ទងទៅកាន់ក្រុមហ៊ុន រោងចក្រទាំងនោះនៅចិន ជាពិសេស រដ្ឋាភិបាល Xinjiang ដើម្បីសុំការធិប្បាយ បញ្ជាក់ពីរឿងនេះ។
អត្ថបទដោយ៖ Stince
ប្រភព៖ bangkokpost
