We TV Cambodia

ក្រុមហ៊ុនធានរ៉ាប់រងថៃ ចង់ចូលខ្លួនប្រលូកទីផ្សារ និង ស្វែងរកដៃគូសហការនៅកម្ពុជា​ នៅក្នុងឆ្នាំនេះ

ក្រុមហ៊ុនធានរ៉ាប់រងថៃ ចង់ចូលខ្លួនប្រលូកទីផ្សារ និង ស្វែងរកដៃគូសហការនៅកម្ពុជា​ នៅក្នុងឆ្នាំនេះ

បរទេស៖​ ក្រុមហ៊ុនធានារ៉ាប់រងថៃ Dhipaya Insurance គ្រោងប្រលូកខ្លួន ជ្រៀតចូលទីផ្សារនៅកម្ពុជា​ ក្នុងឆ្នាំនេះ ខណៈដែលក្រុមហ៊ុន កំពុងតែសម្លឹងរកមើលឱកាសដៃគូសហការក្នុងតំបន់គោលដៅ។

ក្រុមហ៊ុនធានារ៉ាប់រង Dhipaya Insurance ដែលមានមូលដ្ឋានគ្រឹះនៅប្រទេសថៃតាំងពីឆ្នាំ១៩៥១ និងមានដៃគូសហការ ពីរប្រទេសផ្សេងទៀត មានវៀតណាម និងឡាវ គ្រោងចូលខ្លួនមកពង្រីកសាខាបន្ថែមនៅកម្ពុជា​ជាមួយនឹងសេវាកម្ម គោលដៅលើការធានារ៉ាប់រង ផ្នែកអាយុជិវិត និងផ្នែកទ្រព្យសម្បត្ដិ។  គោលដៅនៃការជ្រៀតខ្លួនចូលក្នុងប្រទេសកម្ពុជា​ ក្រុមហ៊ុនមើលឃើញចំនុចពីរ គួជាទីកត់សំគាល់ គឺវិស័យសំណង់ និង វិស័យ​យានយន្ដ។

លោក Somporn Suebthawilkul នាកយកគ្រប់គ្រងក្រុមហ៊ុន​ បានប្រាប់ឲ្យដឹងថា ក្រុមហ៊ុន ចង់បង្កើតដៃគូសហការ និងគ្រប់គ្រងទីផ្សារខ្ពស់​បំផុត ក្នុងប្រទេសកម្ពុជា ​ដែលត្រូវបានទទួលបានការអនុញ្ញាតដោយ រាជរដ្ឋាភិបាលក​ម្ពុជា។​ ដូច្នេះប្រសិនបើរាជរដ្ឋាភិបាលកម្ពុជា​ យល់ព្រមអនុញ្ញាតឲ្យអ្នកវិនិយោគទុនបរទេស ចូលវិនិយោគ ដោយ​ការចំណាយនូវអាជ្ញាបណ្ណអាជីវកម្ម ក្នុងទឹកប្រាក់ ៧លានដុល្លារ នោះក្រុមហ៊ុន នឹងសម្រេចចិត្ដ ចូលប្រលូក​ខ្លួន ក្នុងទីផ្សារមួយនេះ។

គូសបញ្ជាក់ផងដែរថា ក្រុមហ៊ុនធានារ៉ាប់រងថៃ Dhipaya Insurance ក៏កំពុងតែស្វែងរកក្រុមហ៊ុនដៃគូសហការ ក្នុងប្រទេសកម្ពុជា​ ប្រសិនរដ្ឋាភិបាលកម្ពុជានឹងអនុញ្ញាតនូវ គម្រោងសំណើរ ក្នុងប្រព័ន្ធនៃការចំណាយ លើអាជ្ញាបណ្ណ​ធ្វើអាជីវកម្ម។

អត្ថបទដោយ៖Stince

ប្រភព៖ ក្រៅស្រុក

Related Articles