ក្រុមហ៊ុនចំនួន៣ ដែលមានទុនវិនិយោគប្រមាណជិត ៨លានដុល្លារនឹងលេចរូបរាងឡើងក្នុងរាជធានីភ្នំពេញ

យោងតាមការប្រកាសរបស់ក្រុមប្រឹក្សាអភិវឌ្ឍន៍កម្ពុជា បានឲ្យដឹងថា គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដលល់ក្រុមហ៊ុនចំនួន៣ ដូចខាងក្រោម៖

១, ក្រុមហ៊ុន MAO XING YUAN (CAMBODIA) GARMENT CO., LTD. «គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ មានទុនវិនិយោគប្រមាណ ២,២លានដុល្លារអាមេរិក និងអាចបង្កើតការងារបានចំនួន ៥៧៤កន្លែង»។

២, ក្រុមហ៊ុន XH SINGHI FOOTWEAR CO., LTD. «គម្រោងបង្កើតរោងចក្រផលិតស្បែកជើង ដែលមានទីតាំងវិនិយោគស្ថិតនៅភូមិទ័ពបោះ សង្កាត់ព្រៃវែង ខណ្ឌដង្កោ រាជធានីភ្នំពេញ មានទុនវិនិយោគប្រមាណ ២,៤លានដុល្លារអាមេរិក និងអាចបង្កើតការងារបានចំនួន ៥០១កន្លែង»។

៣, ក្រុមហ៊ុន NANTONG FIVE STAR ENTERPRISE (CAMBODIA) CO., LTD. «គម្រោងបង្កើតរោងចក្រផលិតស្បែកជើង ដែលមានទីតាំងវិនិយោគស្ថិតនៅភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ៣,៣លានដុល្លារអាមេរិក និងអាចបង្កើតការងារបានចំនួន ១,០២២កន្លែង»។

គូសបញ្ជាក់ផងដែរថា គម្រោងវិនិយោគរបស់ក្រុមហ៊ុនទាំង៣ ខាងលើមានទុនវិនិយោគសរុបប្រមាណ ៧,៩លានដុល្លារ ដែលនឹងបង្កើតការងារចំនួន ២,០៩៧កន្លែងដល់ប្រជាពលរដ្ឋកម្ពុជាយើងផងដែរ។

អត្ថបទដោយ៖ Nevin