We TV Cambodia

ក្រុមហ៊ុនចិនមួយ គ្រោងចំណាយ​ទឹកប្រាក់ សាងសង់ចំណតរថយន្ដខា្នតធំដល់ទៅ ១៦០លានដុល្លារអាមេរិក

ក្រុមហ៊ុនចិនមួយ គ្រោងចំណាយ​ទឹកប្រាក់ សាងសង់ចំណតរថយន្ដខា្នតធំដល់ទៅ ១៦០លានដុល្លារអាមេរិក
រូបភាពឯកសារ

ក្រុមហ៊ុនវិនិយោគចិនមួយឈ្មោះ China Good Cars Holding Ltd គ្រោងនឹងចំណាយទុនដល់ទៅ ១៦០លានដុល្លារ អាមេរិក ដើម្បីសាងសង់ចំណតរថយន្ដ ធន់ធំ នៅជាយក្រុងភ្នំពេញ ដើម្បីចូលរួមការ កាត់បន្ថយភាពកកស្ទះចរាចរណ៍។

គម្រោង នៃការសាងសង់ចំណតរថយន្ដខ្នាតធំ នេះត្រូវបានស្នើរឡើង ក្នុងឱកាសជំនួបគ្នារវាង ក្រុមហ៊ុនជាមួយនឹងក្រសួងសាធារណៈការ និងដឹកជញ្ជូន កាលពីថ្ងៃទី៥ ខែឧសភា ឆ្នាំ២០២០។ គោលបំណងធំនៃការ បង្កើតគម្រោងនេះឡើង គឺដើម្បីកាត់បន្ថយការកកស្ទះនៃចរាចរណ៍ ដោយរថយន្ដធន់ធំត្រូវ ធ្វើដំណើរចូលក្រុង។ មិនត្រឹមតែប៉ុណ្ណោះ ក្រុមហ៊ុន ក៏គ្រោង​វិនិយោគ​លើគម្រោង​ដឹកជញ្ជូន​សាធារណៈ​តាមរថយន្ត​ក្រុង​លើបណ្តាញ​ផ្លូវជាតិ ដើម្បី​តភ្ជាប់​ទៅតំបន់​ក្រៅក្រុង​និងទៅបណ្តា​ខេត្តនានា​នៅជិតៗ​រាជធានី​ភ្នំពេញ​ផងដែរ។

ឯកឧត្ដម ស៊ុន ចាន់ថុល រដ្ឋមន្ដ្រីក្រសួង សាធារណៈការ និងដឹកជញ្ជូន ក៏បានរីករាយស្វាគមន៍នូវគម្រោងមួយនេះ ហើយក៏ផ្ដល់យោបល់ឲ្យមានការសិក្សាឲ្យបានលម្អិតទៅនឹងគម្រោង ស្ថានភាពជាក់ស្ដែង។

ដោយ៖ stince

Related Articles