We TV Cambodia

ក្រុមហ៊ុនកូរ៉េ ត្រៀមសហការជាមួយក្រសួងព័ត៌មានក្នុងការអភិវឌ្ឍន៍បច្ចេកវិទ្យាព័ត៌មាននៅកម្ពុជា

ក្រុមហ៊ុនកូរ៉េ ត្រៀមសហការជាមួយក្រសួងព័ត៌មានក្នុងការអភិវឌ្ឍន៍បច្ចេកវិទ្យាព័ត៌មាននៅកម្ពុជា
ក្រុមហ៊ុនកូរ៉េ ត្រៀមសហការជាមួយក្រសួងព័ត៌មានក្នុងការអភិវឌ្ឍន៍បច្ចេកវិទ្យាព័ត៌មាននៅកម្ពុជា (ប្រភព៖ Google)

ក្រុមហ៊ុន Jin Sung Group នៃសាធារណរដ្ឋកូរ៉េ មានគម្រោងធ្វើកិច្ចសហការជាមួយក្រសួងព័ត៌មានកម្ពុជា សម្រាប់កិច្ចការងារបច្ចេកវិទ្យានៃការផ្សព្វផ្សាយ និងបណ្តុះបណ្តាលធនធានមនុស្ស ដើម្បីការគាំទ្រពាក់ព័ន្ធវឌ្ឍនភាពនៃបច្ចេកវិទ្យាទំនើបនៅពេលអនាគត។

ជំនួបរវាងឯកឧត្តម ខៀវ កាញារីទ្ធ ជាមួយលោក Kim Hyung Jun (ប្រភព៖ ក្រសួងព័ត៌មាន)

គម្រោងបង្កើតកិច្ចសហការនេះបានធ្វើឡើងក្នុងឱកាស ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មានបាន ទទួលជួបពិភាក្សាការងារជាមួយលោក Kim Hyung Jun នាយកប្រតិបត្តិក្រុមហ៊ុន Jin Sung Group ផ្នែកប្រពន្ធ័ Technology នៃសាធារណរដ្ឋកូរ៉េ កាលព្រឹកថ្ងៃទី១៦ ខែកក្កដា ឆ្នាំ២០២០ នេះ។

ជំនួបរវាងឯកឧត្តម ខៀវ កាញារីទ្ធ ជាមួយលោក Kim Hyung Jun (ប្រភព៖ ក្រសួងព័ត៌មាន)

ក្នុងឱកាសនោះដែរ លោក Kim Hyung Jun បានជម្រាបជូនពីគោលបំណងចង់ចូល រួមសហការជាមួយក្រសួងព័ត៌មានកម្ពុជា ក្នុងការធ្វើកំណែទម្រង់ច្បាប់របបសារព័ត៌មាន ដើម្បីអោយស្របតាមការវិវឌ្ឍន៍ និងការរីកចម្រើននៃបច្ចេកវិទ្យាព័ត៌មានវិទ្យាក្នុងសកលលោក។ ក្រុមហ៊ុន Jin Sung Group មានគម្រោងផ្តល់សំភារៈ បរិក្ខាបច្ចេកវិទ្យាមួយចំនួនដល់ក្រសួងព័ត៌មាន ពិសេសគឺ iPaid ថ្មីៗ សម្រាប់ការសិក្សាពីចម្ងាយ និង ការសិក្សាតាមប្រព័ន្ធអេឡិចត្រូនិច E-Learning ។

វិស័យព័ត៌មានសម័យឌីជីថល (ប្រភព៖ Google)

លោក Kim ក៏បានបញ្ជាក់បន្ថែម ពីការផ្តើមរឹតចំណងមិត្តភាព និងកិច្ចសហការជាមួយក្រសួងសំខាន់ៗចំនួន ៣ គឺ ក្រសួងឧស្សាហកម្ម, ក្រសួងអប់រំ យុវជន និងកីឡា, និងក្រសួងការងារបណ្តុះបណ្តាលនិងវិជ្ជាជីវៈ ហើយសម្រាប់កិច្ចសហការជាមួយក្រសួងព័ត៌មាន គឺក្នុងគម្រោងផ្តល់អាហារូបករណ៍ ដើម្បីបណ្តុះបណ្តាលធនធានមនុស្ស សម្រាប់ការគាំទ្រពាក់ពន្ធ័វឌ្ឍនភាពនៃបច្ចេកវិទ្យាទំនើបនៅពេលអនាគត គឺ Digital Platform ។

វិស័យព័ត៌មានសម័យឌីជីថល (ប្រភព៖ Google)

ឯកឧត្តម ខៀវ កាញារីទ្ធ បានសំដែងនូវការអរគុណចំពោះ លោក Kim Hyung Jun ដែលមានគម្រោងធ្វើកិច្ចសហការជាមួយក្រសួងព័ត៌មានកម្ពុជាសម្រាប់កិច្ចការងារបច្ចេកវិទ្យានៃការផ្សព្វផ្សាយ និងគម្រោងក្នុងផ្តល់នូវ iPaid ថ្មីៗដល់ក្រសួងព័ត៌មានសម្រាប់ចូលរួមក្នុងសកម្មភាពការងារនៃកម្មវិធីបង្រៀនពីចម្ងាយ គឺការរៀនតាមទូរសព្ទ័ស្មាតហ្វូត, កុំព្យូទ័រ និង iPaid ដោយសារសាលារៀនទាំងអស់ត្រូវបានបិទ បន្ទាប់ពីមានការឆ្លងរីករាលដាលជំងឺកូវីត ១៩ ៕

អត្ថបទដោយ៖ Nevin

Related Articles