We TV Cambodia

ក្រុមហ៊ុនកូរ៉េនឹងបណ្ដាក់ទុនវិនិយោគបង្កើតរោងចក្រកែច្នៃនៅកម្ពុជា តាមរយៈក្រុមហ៊ុន ម៉ុងឫទ្ធីក្រុប

ក្រុមហ៊ុនកូរ៉េនឹងបណ្ដាក់ទុនវិនិយោគបង្កើតរោងចក្រកែច្នៃនៅកម្ពុជា តាមរយៈក្រុមហ៊ុន ម៉ុងឫទ្ធីក្រុប

រូបភាពឯកសារ

ភ្នំពេញ៖ ឯកឧត្ដម ម៉ុង ឫទ្ធី តំណាងក្រុមហ៊ុន ម៉ុង ឫទ្ធីក្រុប បានធ្វើដំណើរទស្សនៈកិច្ចទៅកាន់ប្រទេសកូរ៉េខាងត្បូង ដើម្បីជួបពិភាក្សាជាមួយដៃគូវិនិយោគ ខណៈដែលគម្រោងផែនការរួមចង់បង្កើត រោងចក្រកែច្នៃផ្លែឈើស្រស់ ដើម្បីបង្ហាញពិសក្ដានុពលអាចនាំចេញទៅក្រៅប្រទេស។ ដំណើរទស្សនៈកិច្ចមួយនេះ មានរយៈពេល ចំនួន៥ថ្ងៃ ចាប់ពីថ្ងៃពុធ ទី១៥ រហូតដល់ថ្ងៃអាទិត្យទី១៩ ខែមករា ឆ្នាំ២០២០។

ឯកឧត្ដម ម៉ុង ឫទ្ធី បានបង្ហាញនូវសេចក្ដីសោមនស្សជាខ្លាំង​ អំពីលទ្ធផលនៃដំណើរទស្សនកិច្ចមួយនេះ ដោយបានបង្ហើរសារលើបណ្ដាញទំនាក់ទំនងហ្វេសប៊ុកថា “សកម្មភាព​ដំណើរបំពេញ​ទស្សនកិច្ច​ចាប់ពីថ្ងៃពុធទី​១៥ខែមករា​រហូត​ដល់​ ថ្ងៃ​អាទិត្យ​ទី​១៩​ខែមករា​ ឆ្នាំ​២០២០​ ជាលទ្ធផល​ភាគី​ទាំងពីរ​បានព្រមព្រាងគ្នា​ចុះហត្ថលេខា​លើ MOU ជាជំហាន​ដំបូង​នៅក្នុង​គំរោង​បង្កើត​ទីក្រុង​អប់រំ​នៅលើ​ទឹកដី​នៃព្រះរាជាណាចក្រកម្ពុជា​យើង​ ដោយ​ផ្តោត​លើ​វិស័យ​សុខាភិបាល​ប្រកបដោយ​គុណភាព​ និង​បរិស្ថាន​ល្អ​ ដែលផ្តោត​ទៅលើ​មនុស្ស​ធម៌​ជាចម្បង​ ដើម្បី​ជាការចាប់ផ្តើម​លោកផាក​បាន​អោយខ្ញុំ​រៀបចំ​ផ្ទៃដី​សម្រាប់​សាងសង់​ផ្ទះ​ ចែកជូន​​ដល់​ប្រជាជន​កម្ពុជា​យើង​ដែលខ្វះ​ខាត​ទី​ជម្រក​ចំនួន​១៥ខ្នង​ក្នុង​គំរោង​៥០ខ្នង​ មួយខ្នង10m x 12m​ នៅលើផ្ទៃដី​ 20m x 20m ដែលអាច​រស់នៅបាន​ពីរ​គ្រួសារ​ លោកផាក​ PARK ជួយចេញ​ថវិការ​ចំនួន​១០ខ្នង​ រូបខ្ញុំ​ចេញ៥ខ្នង​រួមទាំង​​ទីតាំងដីរៀបចំ​ហេដ្ឋារចនាសម្ព័ន្ធ​ផ្លូវ​ ទឹក​ ភ្លើង​ ក្នុងនោះ​ផងដែដើម្បី​បង្កើត​ការងារ​អោយ​ប្រជាជន​យើងបាន​ធ្វើ​ លើ​វិស័យ​កសិកម្ម​ កសិឧស្សាហកម្ម​កែច្នៃ​ ​យើងនិង​រួមគ្នា​បង្កើត​រោងចក្រ​កែច្នៃ​ផ្លែឈើ​ស្រស់​ និង​គ្រាប់​ធញ្ញជាតិ​វិចខ្ចប់​លក់​ចែកចាយ​នៅក្នុង​ប្រទេស​និងនាំចេញ​ទៅ​កាន់​ទីផ្សារ​អន្តរជាតិ​ផងដែរ​ ។ រឿងដែលត្រូវតែកត់​សំគាល់​បំផុត​នោះ​គឺ​ការរៀបចំទទួល​ទាន​អាហារ​គ្រប់​ពេល​ មិន​អនុញ្ញាត​ឲ្យ​ពិសារ​គ្រឿង​ស្រវឹង​គ្រប់​ប្រភេទ​តែម្តង​ ។”
គួកត់សម្គាល់ផងដែរ​ថា នេះគឺជាមុខមាត់ថ្មីមួយទៀត ដែលកម្ពុជាអាចមាន រោងចក្រខ្នាតធំ ប្រភេទនេះ និងអាចជួយបង្កើតកាងារកាន់ច្រើន អាចកាត់បន្ថយការចំណាកស្រុកទៅកាន់ខាងក្រៅ។

អត្ថបទដោយ៖ អឿ អ៊ុយ

ប្រភព៖ ហ្វេសប៊ុក

Related Articles