We TV Cambodia

ក្រុមហ៊ុន Aeon Co សម្រេចចិត្ដផ្លាស់ប្ដូរមេដឹកនាំ ក្រោយខាតបង់ទឹកប្រាក់រាប់សិបលានដុល្លារ

ក្រុមហ៊ុន Aeon Co សម្រេចចិត្ដផ្លាស់ប្ដូរមេដឹកនាំ ក្រោយខាតបង់ទឹកប្រាក់រាប់សិបលានដុល្លារ

រូបភាពឯកសារ

ប្រភពព័ត៌មានពីគេហទំព័រក្នុង និងក្រៅស្រុកបានចុះផ្សាយជាបន្ដបន្ទាប់គ្នា អំពីក្រុ​ម​ហ៊ុន ​ខ្នាតយក្សលំដាប់អន្ដរជាតិរបស់ប្រទេសជប៉ុន Aeon​ Co.,.Ltd បានប្រកាសពីការផ្លាស់ប្ដូរមេដឹកនាំ ក្រោយពីរបាយការណ៍បានបង្ហាញថា ក្រុមហ៊ុនមួយនេះទទួលរងការខាតបង់ទឹកប្រាក់ចំនួនដល់ទៅ ៥៨លានដុល្លារ គិតត្រឹមតែរយៈពេល៩ខែ ក្នុងឆ្នាំ២០១៩។ ​របាយ​ការណ៍​ហិរញ្ញវត្ថុ​ដែល​ផ្សព្វផ្សាយ​ដោយ​ក្រុម​ហ៊ុន ​Aeon​ ហើយ​ត្រូវ​បាន​គេហទំព័រ​អចលន​ទ្រព្យ​អាស៊ី​ចុះ​ផ្សាយ​កាល​ពី​ថ្ងៃ​ទី ​១១ ​មករា​ ឆ្នាំ ​២០២០ ​បាន​បញ្ជាក់​ថា ​ក្រុម​ប្រឹក្សា​ភិបាល​នៃ​ផ្សារ​ទំនើប​ Aeon​ Malls​ បាន​សម្រេច​តែង​តាំង​ លោក ​Akio​ Yoshida​ ពី​អនុប្រធាន​ទៅ​ជា​ប្រធាន​ផ្សារទំនើប​នេះ​វិញ។

បច្ចុប្បន្នក្រុមហ៊ុន​ផ្សារ​ទំនើប ​Aeon​ Malls​ របស់​ប្រទេសជប៉ុន បានបើកដំណើរការក្នុងប្រទេសកម្ពុជា​ចំនួន ២គម្រោងរួចទៅហើយ ហើយក៏នឹងមានគម្រោងទី៣ សម្រាប់ឆ្នាំ២០២៣ ខាងមុខដែលមានទំហំផ្ទៃដីទំហំ ​១៧​៤.០​០០ ​ម៉ែត្រ​ការ៉េ​។ បើទោះបីជារបាយការណ៍សរុប មានការខាតបង់ក៏ពិតមែន ប៉ុន្ដែការ​បើក​ផ្សារ​ទំនើប​ទាំង​ពីរ​កន្លែង​នៅក​ម្ពុជា ​គឺ​ទទួល​បាន​ជោគ​ជ័យ​ ចំណែកការប្រកួត​ប្រជែង​នៃ​ការ​លក់​រាយ​តាម ​Onlin​e​ និង​ផ្សារ​ទំនើប​នានា ​បាន​ធ្វើ​ឲ្យ​ប្រាក់​ចំណូលរ​បស់​ក្រុមហ៊ុន​ផ្សារ​ទំនើប ​Aeon ​Mall​ ធ្លាក់​ចុះ​។ ​

គូសបញ្ជាក់​ដែរ​ថា ​ក្រុមហ៊ុន​ផ្សារ​ទំនើប ​Aeon​ Malls​ កំពុង​បើកដំណើរការក្នុងតំបន់អាស៊ាន ទទួល​បាន​ប្រាក់​ចំណេញ​ខ្ពស់​ហើយ​ជា​ផ្នែក​​ដ៏​​សំខាន់ ​មួយ​នៃ​ការ​រីក​ចម្រើន​យ៉ាង​ខ្លាំង​របស់​ក្រុម​ហ៊ុនមួ​យ​នេះ ​ក្នុង​រយៈ​ពេល​មួយ​ទ​សវត្សរ៍​ចុង​ក្រោយ​នេះ​។​ ប្រា​ក់​ចំណូលពី​ប្រតិបត្តិការ​នៅ​អាស៊ាន ​បាន​កើន​ឡើង​ជាង​១៥៥​ភាគរយ ​ក្នុ​ង​ឆ្នាំ ២​០១៩ ​បើ​ប្រៀប​ធៀប​នឹង​រយៈ​ពេល​ដូចគ្នា​ក្នុង​ឆ្នាំ​២០១៨​។ ​នៅ​ក្នុង​ប្រទេស​វៀតណាម ​ក្រុមហ៊ុន​មួ​យនេះ​ ​ទើប​តែបា​ន​បើក​សាខាទី​៤​របស់​ខ្លួន ​កាល​ពី​ខែ​វិច្ឆិកា ​នៅ​ក្នុង​ទីក្រុង​ហូជីមិញ​។

ដោយ៖ អឿ អ៊ុយ

ប្រភព៖ Rfi , ​ japantimes.co.jp

Related Articles