We TV Cambodia

ក្រុងព្រះសីហនុនិងក្លាយទៅជា ទីក្រុងShenzhen នាពេលអនាគត

ក្រុងព្រះសីហនុនិងក្លាយទៅជា ទីក្រុងShenzhen នាពេលអនាគត

បើយោងទៅតាម សារព័ត៌មាន Global Time បានចុះផ្សាយកាលពីពេលថ្មីៗកន្លងទៅនេះបានលើកឡើងថា ប្រទេសកម្ពុជា កីដូចជាខេត្តព្រះសីហនុនិងមានរីកចម្រើនខ្ពស់ ខណះ រដ្ឋាភិបាលបានអនុញ្ញាតអោយនាវា MS Westerdam និងអ្នកដំណើរនិងនាវិកចំនួន២០០០ នាក់ចូលចតនៅកំពង់ផែកាលពីខែកុម្ភៈឆ្នាំ២០២០កន្លងមកនេះ បានធ្វើកំពង់ផែក្រុងព្រះសីហនុ ដែលមានសភាពស្ងប់ស្ងាត់ និងតូចមួយនៅក្នុងប្រទេសកម្ពុជា បានជំរុញឱ្យមានការយកចិត្តទុកដាក់ជាសកល និងភាពអូអរឡើងវិញ ហើយក្រុងព្រះសីហនុក៏គ្រោងប្រែក្លាយខ្លួនទៅជាទីក្រុងមានការរីកចម្រើនដូចទីក្រុងShenzhen។

ក្រុងព្រះសីហនុ កំពុងស្ថិតនៅក្នុងការផ្តល់ឱកាសដល់អ្នករស់នៅក្នុងតំបន់នេះយ៉ាងច្រើនផងដែរ ។ ជាពិសេសក្រុងព្រះសីហនុ ក៏កំពុងក្លាយជា ខេត្តមួយមានភាពលេចធ្លោរ ពោរពេញទៅដោយការធ្វើពាណិជ្ជកម្ម និងការវិនិយោគរបស់ចិន ដូចជា ការអភិវឌ្ឍន៍សួនឧស្សាហកម្ម រោងចក្រ លំនៅដ្ឋាន ពាណិជ្ជកម្ម សណ្ឋាគារភោជនីយដ្ឋាននិងកាស៊ីណូផងដែរ។

ជាការកត់សម្កាត់ ទីក្រុងទេសចរណ៍មាត់សមុទ្រ កំពុងផ្លាស់ប្តូរបន្តិច ម្តងៗ ទៅជាទីក្រុងShenzhen និងក្បាលម៉ាស៊ីនសេដ្ឋកិច្ចរបស់ប្រទេសកម្ពុជា។
សូមជម្រាបថា ក្នុងរយៈពេល៥ឆ្នាំកន្លងមកនេះ មនុស្សមួយចំនួនបានចាប់ផ្តើមហៅក្រុងព្រះសីហនុថាជាកទីក្រុង Shenzhen ទី២បណ្តើរៗ។ ក៏ប៉ុន្តែ ការអភិវឌ្ឍន៍ មិនមានភាពងាយស្រួលនោះទេ ខណះក្រុងព្រះសីហនុនៅតែប្រឈមនឹងបញ្ហាអភិវឌ្ឍន៍ជាច្រើន។ ប៉ុន្តែការចូលរួមក្នុងគំនិតផ្តួចផ្តើមខ្សែក្រវ៉ាត់និងផ្លូវ និងការបង្កើនកិច្ចសហប្រតិបត្តិការ ជាមួយប្រទេសចិនបានក្លាយជាការមូលមតិគ្នាលើវិធីដើម្បីឆ្ពោះទៅមុខ។

សូមបញ្ជាក់ថា ក្រុងព្រះសីហនុមានការអភិវឌ្ឍល្អលើគ្រប់វិស័យ ព្រមទាំងមានសក្តានុពលផ្នែកទេសចរទៀតផងដែរ។ ទោះយ៉ាងណាចំនួនប្រជាជនកម្ពុជានៅមានចំនួនតិច ស្របទៅនឹងទីផ្សារថ្មីមានន័យថា ការអភិវឌ្ឍន៍ខេត្តព្រះសីហនុ នៅតែប្រឈមនឹងកង្វះដើមទុន និងហេដ្ឋារចនាសម្ព័ន្ធបាននឹងកំពុងអភិវឌ្ឍន៍។ ដើមទុនចិនបានចាប់ផ្តើមជួយប្រទេសកម្ពុជា ឱ្យជៀសផុតពីឧបសគ្គទាំងនេះ។

ក្រុងព្រះសីហនុមានអគារពាណិជ្ជកម្ម និងលំនៅដ្ឋានថ្មីៗជាច្រើន ដែលមានសំណង់ជាច្រើនទៀត ដែលធ្វើរកទីកន្លែងណាមួយ នៅក្នុងទីក្រុងព្រះសីហនុនៅទំនេរនោះទេ។
ខេត្តព្រះសីហនុបានអភិវឌ្ឍន៍ ពីទីក្រុងកំពង់ផែសមុទ្រដ៏ស្ងប់ស្ងាត់ ទៅជាទីក្រុងមានសភាពអ៊ូអរ នៅពេលដែលជនជាតិចិនកាន់តែច្រើនឡើងៗ ជាមួយនឹងការអភិវឌ្ឍក្រុមហ៊ុន និងអចលនទ្រព្យ ដូចទៅនឹងទីក្រុងShenzhen។

និន្នាការនេះ ត្រូវបានអមដោយការកើនឡើង នៃឧស្សាហកម្មសេវាកម្មទីក្រុងជាមួយភោជនីយដ្ឋាន និងសណ្ឋាគារចិន។
បើតាមលោកវង្សី វិស្សុត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុបានឱ្យដឹងថា ក្រោមការគាំទ្រពីអង្គការអភិវឌ្ឍន៍ឧស្សាហកម្ម របស់អង្គការសហប្រជាជាតិ វិទ្យាស្ថានរៀបចំផែនការ និងរចនាប្លង់ទីក្រុងស៊ីនជិន បាននឹងកំពុងជួយក្រុងព្រះសីហនុ ក្នុងការរៀបចំបញ្ចូលទៅជា “ទីក្រុងសិនជិនកម្ពុជា” ដើម្បីទាក់ទាញការវិនិយោគបន្ថែមទៀត។ នេះបើតាមការចេញផ្សាយរបស់គេហទំព័រក្នុងស្រុក៕

ប្រភព៖ ក្នុងស្រុក

កែសម្រួល៖ ឧត្តម

Related Articles