We TV Cambodia

ក្រសួងរ៉ែ និងថាមពល ចេញព័ត៌មានបញ្ជាក់បន្ថែម ស្ដីអំពី បរិមាណថ្មរ៉ែ និងបរិមាណផលិតផលលោហៈមាស នៅតំបន់អូរខ្វាវ ស្រុកកែវសីមា ខេត្តមណ្ឌលគីរី”

ក្រសួងរ៉ែ និងថាមពល ចេញព័ត៌មានបញ្ជាក់បន្ថែម ស្ដីអំពី បរិមាណថ្មរ៉ែ និងបរិមាណផលិតផលលោហៈមាស នៅតំបន់អូរខ្វាវ ស្រុកកែវសីមា ខេត្តមណ្ឌលគីរី”

យោងតាមការចុះផ្សាយលើផេកហ្វេសប៊ុកផ្លូវការរបស់ ក្រសួងរ៉ែ និងថាមពល បានចុះផ្សាយអំពីព័ត៌មានបញ្ជាក់បន្ថែមទាក់ទង នឹងការស្វែងរកឃើញ អណ្ដូងរ៉ែនៅខេត្ដ មណ្ឌលគីរី។ សេចក្ដីព័ត៌មានបានបញ្ជាក់ថា៖

ក្រសួងរ៉ែ និងថាមពល ចេញព័ត៌មានបញ្ជាក់បន្ថែម ស្ដីអំពី បរិមាណថ្មរ៉ែ និងបរិមាណផលិតផលលោហៈមាស នៅតំបន់អូរខ្វាវ ស្រុកកែវសីមា ខេត្តមណ្ឌលគីរី”

បន្ទាប់ពីបានធ្វើបទបង្ហាញដោយសង្ខេបអំពី “វឌ្ឍនភាព និងទិសដៅការងារបន្តរបស់ក្រសួងរ៉ែ និងថាមពល” កាលពីព្រឹកថ្ងៃទី២១ ខែមេសា ឆ្នាំ២០២០ នៅទីស្តីការគណៈរដ្ឋមន្ត្រីរួចមក ក្រសួងរ៉ែនិងថាមពលបានសង្កេតឃើញមានការលើកឡើងនូវមតិ និងការចេញផ្សាយរបស់សារព័ត៌មានមួយចំនួនដែលមានការយល់ច្រឡំរវាងបរិមាណថ្មរ៉ែ ជាមួយនឹងបរិមាណផលិតផលលោហៈមាស ដែលនឹងត្រូវធ្វើការអភិវឌ្ឍនៅតំបន់អូរខ្វាវ ស្រុកកែវសីមា ខេត្តមណ្ឌលគិរី។

ជាថ្មីម្តងទៀតក្រសួងរ៉ែនិងថាមពលសូមជម្រាបបញ្ជាក់ជូនដូចខាងក្រោម ៖
បន្ទាប់ពីបានធ្វើការរកឃើញជម្រករ៉ែដែលមានសក្តានុពលសម្រាប់សេដ្ឋកិច្ច ក្រុមហ៊ុនរ៉ឺនេសង់ មីនើរ៉ល (ខេមបូឌា) លីមីធីត RENAISSANCE MINERALS (CAMBODIA) LIMITED) ជាក្រុមហ៊ុនសញ្ជាតិអូស្ត្រាលី បានស្នើសុំធ្វើអាជីវកម្មរ៉ែមាសលើផ្ទៃដីទំហំ ១ ១៥០ (មួយពាន់មួយរយហាសិប) ហិកតា នៅក្នុងតំបន់អូរខ្វាវ ស្រុកកែវសីមា ខេត្តមណ្ឌលគិរី ដែលជាផ្នែកមួយនៃតំបន់សម្បទានសិក្សាស្វែងរុករករ៉ែ ដោយភ្ជាប់ជាមួយសំណើសុំអាជ្ញាបណ្ណឧស្សាហកម្មអាជីវកម្មធនធានរ៉ែ។ ក្រុមហ៊ុន បានផ្តល់ជូនក្រសួងនូវរបាយការណ៍ នៃការសិក្សាសមិទ្ធិលទ្ធភាពលើគម្រោងអាជីវកម្មរ៉ែមាស នៅតំបន់អូរខ្វាវ ស្រុកកែវសីមា ខេត្តមណ្ឌលគិរី ដោយមានខ្លឹមសារសង្ខេបដូចខាងក្រោម៖
ក. លទ្ធផលនៃការសិក្សាស្រាវជ្រាវរ៉ែមាស៖
• បរិមាណថ្មរ៉ែដែលបានរកឃើញ ដែលនឹងត្រូវជីកយកចំនួន ១១ ៦០០ ០០០ តោន( ដប់មួយលានប្រាំមួយសែន)
• អត្រាលោហៈមាសជាមធ្យម(Cut of grade)នៅក្នុងថ្មរ៉ែស្មើនឹង ២,២២ក្រាម/តោន(ពីរក្បៀសម្ភៃពីរ)
• បរិមាណផលិតផលលោហៈមាសដែលអាចទាញយកបានមានចំនួន ២២ ០៣៦,១៩ (ម្ភៃពីរពាន់ សូន្យរយ សាមសិបប្រាំមួយក្បៀសដប់ប្រាំបួន) គីឡូក្រាម ឬស្មើនឹង ៧០៨ ៤៧៩,៤៣២ (ប្រាំពីររយប្រាំបីពាន់ បួនរយចិតសិបប្រាំបួន ក្បៀសបួនរយសាមសិបពីរ) អោនស៍
ខ. គម្រោងធ្វើអាជីវកម្មរ៉ែមាស៖
• បរិមាណថ្មរ៉ែគ្រោងជីកជាមធ្យមចំនួន ១ ៥០០ ០០០ (មួយលានប្រាំរយពាន់) តោនក្នុង១ឆ្នាំ
• បរិមាណផលិតផលលោហៈមាសដែលនឹងទទួលបានជាមធ្យម ២ ៨៤៥,៩៦ (ពីរពាន់ប្រាំបីរយសែសិបប្រាំ ក្បៀស កៅសិបប្រាំមួយ) គីឡូក្រាម ឬស្មើនឹង ៩១ ៤៩៩,៦៧០៥ (កៅសិបមួយពាន់ បួនរយកៅសិបប្រាំបួន ក្បៀសប្រាំមួយពាន់ប្រាំពីរយប្រាំ) អោនស៍ ក្នុងមួយឆ្នាំ
• អាយុកាលនៃការធ្វើអាជីវកម្មរ៉ែមាសមានចំនួនសរុប ៨ (ប្រាំបី) ឆ្នាំ
**ចំណាំ ១ អោនស៍ ស្មើនឹង ០,០៣១១០៣៥ គីឡូក្រាម

គម្រោងមួយនេះរាជរដ្ឋាភិបាល បានចាត់តាំងក្រុមការងារចចារមួយដែលមានសមាសភាពពីក្រសួងសេដ្ឋកិច្ច និងហិរញ្ញវត្ថុ និងក្រសួងរ៉ែនិងថាមពល ដើម្បីពិនិត្យនិងចចារលើកិច្ចព្រមព្រៀង វិនិយោគទុនធនធានរ៉ែ ជាមួយក្រុមហ៊ុនសម្រាប់ការ ធ្វើអាជីវកម្មធនធានរ៉ែ នៅតំបន់អូរខ្វាវ ស្រុកកែវសីមា ខេត្តមណ្ឌលគិរី ហើយបានបញ្ចប់ការចចារ និងធ្វើការចុះកិច្ចព្រមព្រៀង នៅថ្ងៃទី១៩ ខែធ្នូ ឆ្នាំ២០១៩។

 

ដោយ៖ Stince

ប្រភព៖ ក្រសួង រ៉ែ និងថាមពល

Related Articles