We TV Cambodia

ក្រសួងពាណិជ្ជកម្មសម្រេចនឹងរៀបចំ ព្រឹតិ្ដការណ៍ពិព័រណ៍ពាណិជ្ជកម្មផលិតផលខ្មែរ នៅខេត្តមណ្ឌលគីរី

ក្រសួងពាណិជ្ជកម្មសម្រេចនឹងរៀបចំ ព្រឹតិ្ដការណ៍ពិព័រណ៍ពាណិជ្ជកម្មផលិតផលខ្មែរ នៅខេត្តមណ្ឌលគីរី

ភ្នំពេញ៖ ផេកហ្វេសប៊ុកជាផ្លូវរបស់ក្រសួង ពាណិជ្ជកម្មបានប្រកាសជាដំណឹងជាសារធារណៈ ដល់មហាជន អំពីគម្រោងរៀបចំព្រឹត្ដិការណ៍ពិព័រណ៍ពាណិជ្ជកម្មផលិតផលខ្មែរ នៅក្នុងខេត្ដមណ្ឌលគិរី ក្រោមប្រធានបទ “យុទ្ធនាការទិញផលិតផលខ្មែរ ឆ្នាំ២០២០”។

“យុទ្ធនាការទិញផលិតផលខ្មែរ ឆ្នាំ២០២០” នឹងត្រូវរៀចំឡើង ចាប់​ពីថ្ងៃ​ទី០៥-០៨ ខែ​មីនា ឆ្នាំ២០២០ ត្រូវនឹងថ្ងៃព្រហស្បតិ៍ ១២កើត ដល់ថ្ងៃ​អាទិត្យ១៥​កើត ខែផល្គុន ឆ្នាំកុរ ឯកស័ក ព.ស.២៥៦៣ នៅ​ក្រុង​សែន​​មនោរម្យ ខេត្តមណ្ឌលគីរី។ គោលបំណងនៃការរៀបចំព្រឹតិ្ដការណ៍នេះឡើងគឺ ដើម្បីពញ្ញាក់ស្មារតី​មហាជន​​ទូទៅ ងាកមកគាំទ្រ និងប្រើប្រាស់ផលិតផលក្នុង​ស្រុក​ឲ្យបាន​ច្រើនជាអតិបរិមា។ ក្រសួងពាណិជ្ជកម្ម នឹងប្រមូល​កៀរគរ​ផលិតផលខ្មែរ មានគុណភាព​ខ្ពស់មានសុវត្ថិភាព​សម្រាប់អ្នកប្រើ​ប្រាស់ មានការវេចខ្ចប់បានល្អត្រឹមត្រូវ អនុលោមតាមស្តង់ដារ​ផលិតកម្ម​ពីគ្រប់ទិសទីនៅ​ទូទាំងប្រទេសមកដាក់តាំងបង្ហាញ និង​ស្វែងរក​ដៃគូយកទៅលក់បន្ត។

ដោយ៖ អឿ អ៊ុយ

ប្រភព៖ ហ្វេសប៊ុក

Related Articles