ក្រសួងពាណិជ្ជកម្មចេញសេចក្ដី​ប្រកាស ហាមឃាត់អាជីវកម្មតាមអនឡាញ ពីការដំឡើងថ្លៃទីផ្សារទំនិញ ការពារ កូវីដ១៩

ក្រសួង​ពាណិជ្ជកម្មបានចេញសេចក្ដីប្រកាស ទៅដល់ម្ចាស់អាជីវកម្មលក់ផលិតផល ឬសំភារៈការពារ មេរោគ កូវីដ១៩ តាមប្រព័ន្ធអនឡាញ ទាំងអស់ មិនឲ្យមានការឡើងថ្លៃនោះទេ បើមិនដូច្នេះ ក្រសួងនឹងចាត់វិធានការទៅតាមផ្លូវច្បាប់។

មួយរយៈពេលក្រោយ ដោយក្រសួងបានសង្កេតឃើញថា នៅតាមបណ្ដាក្រុមហ៊ុន ឯកជន កន្លែងប្រកបអាជីវកម្មផ្សេងៗ ដែលមានផ្ដោតទៅលើផលិតផល ការពារ មេរោគកូវីដ១៩ នៅកម្ពុជា​ ជាពិសេស​ទីផ្សារអនឡាញ មានការកើនឡើង តម្លៃផលិតផល ដែលមានដូចជា​ ម៉ាស ទឹកអាល់កុល ជែលលាបដៃ និង ឧបករណ៍ស្ទង់កំដៅជាដើម ហាក់មានសន្ទុះតម្លៃទីផ្សារ កើនឡើង យ៉ាងកត់សំគាស់ ធ្វើឲ្យប្រជាពលរដ្ឋកម្ពុជាខ្លះ ស្ទើតែមិនមានលទ្ធភាពទិញយកទៅប្រើប្រាស់។

ក្រសួងពាណិជ្ជកម្ម គឺជាអង្គភាពដែលមានទំនួលខុសត្រូវខ្ពស់ជាងគេ​ក្នុងការ គ្រប់គ្រងតម្លៃទំនិញ នៅលើទីផ្សារ ខណៈដែលទំនិញទាំងនេះ កំពុងតែទទួលនូវការរអ៊ូរទាំពីប្រជាជន​ ថាឡើងថ្លៃ។ ជាឧទាហរណ៍ តម្លៃម៉ាស ធម្មតា​កន្លងមក មានតម្លៃរាយ ចំនួន២ម៉ាស តែ៥០០៛ ប៉ុន្ដែមកទល់ពេលនេះ មានចំនួន ១ម៉ាស តម្លៃដល់ទៅ២៥០០៛។

មិនត្រឹមតែ ការចរាចរទីផ្សារ​អនឡាញមួយមុខនោះទេ​ដែល ត្រូវបានគេមើលឃើញថាមានសន្ទុះឡើងខ្ពស់ ប៉ុន្ដែសម្រាប់ការទីផ្សារ ខាងក្រៅវិញ ក៏មិនជាថោកនោះដែរ។​

ខាងក្រោមគឺជាសេចក្ដីប្រកាសរួម របស់ ក្រសួង៖

ដោយ៖ Stince