We TV Cambodia

ក្រសួងកសិកម្ម ពន្យល់ពីមូលហេតុដែលម្ទេសឡើងថ្លៃខ្លាំងរហូតដល់ ១គីឡូ ៥០០០០​រៀល

ក្រសួងកសិកម្ម ពន្យល់ពីមូលហេតុដែលម្ទេសឡើងថ្លៃខ្លាំងរហូតដល់ ១គីឡូ ៥០០០០​រៀល

បងប្អូនបានដឹងរួចមកពីការឡើងថ្លៃនៃម្ទេស​ស្រស់និងម្ទេសក្រៀម ដោយម្ទេសស្រស់មួយគីឡូក្រាមតម្លៃឡើងដល់  ៣០០០០ រៀល ៣៥០០០រៀន និងឡើងរហូតដល់ ៥០០០០ រៀលតែម្ដង។ ការឡើងថ្លៃម្ទេសនេះ បានធ្វើបងប្អូនមួយចំនួនកើតនូវចម្ងល់ និងនាំគ្នារអ៊ូថា​ តើមូលហេតុអ្វីបា​នជានៅសុខៗម្ទេសខ្មែរបែរជាឡើងថ្លៃ ខណៈបន្លែផ្សេងៗតម្លៃនៅថេរដដែល?

ឆ្លើយតបទៅនឹងចម្ងល់នេះ ឯកឧត្ដម វេង សាខុន រដ្ឋមន្ដ្រីក្រសួងកសិកម្មរុក្ខាប្រ​មាញ់និងនេសាទ បានមានប្រសាសន៍យ៉ាងដូច្នេះថា មូលហេតុដែលម្ទេសខ្មែរយើង​ឡើងថ្លៃបែបនេះគឺដោយសារ កម្ពុជាបានជួបនូវបញ្ហាគ្រោះទឹកជំនន់ ហើយបងប្អ​នប្រជាកសិករភាគច្រើនដែលដាំម្ទេសនៅស្ថិតនៅតាមតំនប់ទន្លេមេគង្គ ហេតុដូច​នេះពូកគាត់មានការព្រួយបារម្ភខ្លាចជន់លិច ក៏នាំគ្នាពន្យាពេលធ្វើការដាំដុះម្ទេស​របស់ខ្លួន។ បន្ទាប់មកដល់រដូវប្រមូលផល គឺចំពេល​ល្មមដែលប្រទេសថៃមាន​តម្រូវការម្ទេសយ៉ាងច្រើន។ អាស្រ័យហេតុហើយទើបម្ទេសខ្មែរយើងហក់ឡើងថ្លៃ​យ៉ាងខ្លាំងបែបនេះ។

គួរជម្រាបផងដែរថា កាលពីឆ្នាំចុង ២០២០ កម្ពុជាបាននាំចេញម្ទេសស្រស់ទៅកាន់ទី​ផ្សារប្រទេសមានចំនួន ៦២.៥៣២តោន និងម្ទេសក្រៀមមានចំនួន១៨០០តោន។

អត្ថបទដោយ៖​ ពិសី

Related Articles