We TV Cambodia

កៅស៊ូជាង៥មុឺនតោនបាននាំចេញនាត្រីមាសទី១នេះ និងរកចំណូលបានប្រមាណ៧៥លានដុល្លារ

កៅស៊ូជាង៥មុឺនតោនបាននាំចេញនាត្រីមាសទី១នេះ និងរកចំណូលបានប្រមាណ៧៥លានដុល្លារ

ដោយ៖ពេជ្រ

ភ្នំពេញ៖  បើតាមប្រភពពី អគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី១៧ ខែមេសា ឆ្នាំ២០២០នេះ បានឲ្យដឹងថានៅត្រីមាសទី​១ នៃឆ្នាំ២០២០នេះ កម្ពុជាបាននាំកៅស៊ូចេញ បានប្រមាណ ៥៣,០៥៧តោន ។

អគ្គនាយកដ្ឋានកៅស៊ូ នៃក្រសួងកសិកម្ម រុក្ខាប្រមាញ់ និងនេសាទ បានបន្ថែមថា នៅត្រីមាសទី១ ឆ្នាំ២០២០នេះ តម្លៃជ័រកៅស៊ូជាមធ្យម មានតម្លៃ១៤២០ដុល្លារក្នុង១តោន បើគិតជាទឹកប្រាក់សរុបនៃការនាំចេញក្នុងបីខែដំបូងនៃឆ្នាំនេះ គឹមានចំនួន៧៥,៣៤០,៩៤០លានដុល្លារអាមេរិក។

សូមបញ្ជាក់ដែរថា ក្នុងឆ្នាំ២០១៩ កម្ពុជាបាននាំចេញជ័រកៅស៊ូជិត៣០ម៉ឺនតោន ទទួលបានចំណូលជិត៤០០លានដុល្លារអាមេរិក ដែលបាននាំចេញទៅកាន់ប្រទេសចិន វៀតណាម សង្ហឹបុរី និងម៉ាឡេស៊ី៕

 

Related Articles