We TV Cambodia

កាស៊ីណូថ្មីមួយទៀតក្នុងក្រុងព្រះសីហនុ ត្រូវបានសម្ពោធដាក់អោយដំណើរការ

កាស៊ីណូថ្មីមួយទៀតក្នុងក្រុងព្រះសីហនុ ត្រូវបានសម្ពោធដាក់អោយដំណើរការ

រូបថតៈ Facebook លោក គួច ចំរើន អភិបាលខេត្ត ព្រះសីហនុ

ដោយៈ ទិន សុខាវុធ

កាស៊ី​ណូ​ថ្មីមួយ​ទៀត មាន​ឈ្មោះ​ថា «ប៉ាវឌីង»
​ស្ថិត​ក្នុង​ក្រុង​ ព្រះ​សីហនុ ត្រូវ​បាន​​សង់​រួច​និង​សម្ពោធ​ដាក់​អោយ​ដំណើរការ​កាល​ពី​សប្តាហ៍​មុន
ក្រោម​អធិបតីភាព​លោកអភិបាល​ខេត្ត គួច​ ចំរើន​ ។

យោង​តាម​ទំព័រ Facebook របស់​លោក​​អភិបាល​ខេត្ត ការវិនិយោគ​សាងសង់កាស៊ីណូ​ប៉ាវឌីង​នេះ ពិត​ជា​បានចូល​រួម​ចំណែក​ក្នុង​ការលើក​កំពស់​ការវិនិយោគ​​ក្នុង​ខេត្ត ព្រះ​សីហនុ និង​បាន​ផ្តល់​ការងារ​ជា​ច្រើន​ដល់​យុវជន​កម្ពុជា​។

លើស​ពី​នេះ​ទៀត លោក​អភិបាល​ខេត្ត​ក៏​បាន​លើក​ឡើង​ផង​ដែរ​ថា សំណង់​កាស៊ីណូ​​មួយ​នេះ ក៏​បាន​ចូល​រួម​ផងដែរ​ ក្នុង​ការប្រើប្រាស់​សក្តានុពល​សេដ្ឋកិច្ច​និងទេសចរណ៍​របស់​ខេត្ត អោយកាន់​តែ​ផុសផុល​ឡើង​ថែមទៀត​ ដើម្បី​ឆ្លើយ​តប​ទៅ​នឹង​ការអំពាវ​នាវ​របស់​ថ្នាក់​ដឹកនាំ​កម្ពុជា​និង​ចិន អោយ​មាន​ការលើក​ទឹកចិត្តដល់​អ្នកវិនិយោគ​​ អោយ​មក​រក​ស៊ី​បណ្តាក់​ទុន​នៅ​ខេត្ត ព្រះ​សីហនុ ៕

Related Articles