We TV Cambodia

ការសាងសង់រោងចក្រចម្រាញ់ប្រេងដំបូងគេនៅកម្ពុជាត្រូវជាប់គាំងជាថ្មីម្ដងទៀត

ការសាងសង់រោងចក្រចម្រាញ់ប្រេងដំបូងគេនៅកម្ពុជាត្រូវជាប់គាំងជាថ្មីម្ដងទៀត

គម្រោងសាងសង់រោងចក្រចម្រាញ់ប្រេងដំបូងគេនៅកម្ពុជា ដែលជាការបណ្តាក់ទុនរួមគ្នារវាងក្រុមហ៊ុនក្នុងស្រុក Cambodia Petrochemical Co (CPC) និងក្រុមហ៊ុនរបស់ចិន CNPC’s Northeast Refining and Chemical Engineering Co Ltd ត្រូវជាប់គាំងជាថ្មីម្ដងទៀតដោយសារបញ្ហាហិរញ្ញវត្ថុ។

ឯកឧត្តម ជៀប សួរ អគ្គនាយកនៃអគ្គនាយកដ្ឋានប្រេងកាត បានប្រាប់ឲ្យដឹងថា ការបណ្តាក់ទុនរួមគ្នាជួបប្រទះបញ្ហាហិរញ្ញវត្ថុ ខណៈដែលពួកគេកំពុងស្វែងរកដៃគូសក្តានុពលផ្សេងទៀត ហើយគិតមកទល់បច្ចុប្បន្ន ពួកគេមិនទាន់បានផ្តល់ព័ត៌មានថ្មីណាមួយដល់ក្រសួងនោះទេ។

លោកបន្តថា រោងចក្រចម្រាញ់ប្រេង គឺជំរុញដោយវិស័យឯកជន ហើយប្រសិន​បើដៃគូដែលមានបទពិសោធកាលពីពេលកន្លងទៅនៅក្នុងគម្រោងប្រភេទនេះ (ដូចជាធនាគារអភិវឌ្ឍន៍អាស៊ី ឬសាជីវកម្ម​ហិរញ្ញវត្ថុ​អន្តរជាតិ) វាជាការប្រសើរណាស់ក្នុងការពិភាក្សាជាមួយពួកគេ និងអាចស្វែងរកអ្នកជំនួញនានាចូលរួមបានផងដែរ។

សូមជម្រាបថា គម្រោងនេះបានចាប់ផ្តើមដំណើរការដំបូងកាលពីខែឧសភាឆ្នាំ២០១៧ ដោយមានទំហំវិនិយោគប្រមាណ ៦២០លានដុល្លារសម្រាប់ការបញ្ចប់ដំណាក់កាលទី១ សម្រាប់ដំណាក់កាលដំបូងនេះ គ្រោងនឹងបញ្ចប់នៅដើមឆ្នាំ២០១៩។

អត្ថបទដោយ៖ Nevin

Related Articles