We TV Cambodia

ការនាំអង្ករចេញរយៈពេល ៦ខែក្នុងឆ្នាំ២០២០ មានការកើនឡើងជាង៤១% ធៀបទៅនឹងឆ្នាំ២០១៩

ការនាំអង្ករចេញរយៈពេល ៦ខែក្នុងឆ្នាំ២០២០ មានការកើនឡើងជាង៤១% ធៀបទៅនឹងឆ្នាំ២០១៩
ការនាំចេញអង្កររបស់កម្ពុជា (ប្រភព៖ Veng Sakhon)

ការនាំចេញអង្កររបស់កម្ពុជារយៈពេល ៦ខែក្នុងឆ្នាំ២០២០នេះ មានការកើនឡើងប្រមាណជាង៤១% បើធៀបទៅនឹងរយៈពេលដូចគ្នាកាលពីឆ្នាំ២០១៩។ នេះបើយោងតាមការប្រកាសរបស់ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ។

អង្កររបស់កម្ពុជា (ប្រភព៖ Veng Sakhon)

ឯកឧត្តម បានឲ្យដឹងទៀតថា ក្នុងរយៈពេល ៦ខែដើមឆ្នាំ២០២០ ការនាំចេញអង្ករសម្រេចបាន ៣៩៧,៦៦០ តោន កើនឡើងប្រមាណ ១១៦,១២២តោន ស្មើនឹង ៤១,២៥% បើធៀបទៅនឹងរយៈពេលដូចគ្នាកាលពីឆ្នាំ២០១៩ ដែលមានចំនួនត្រឹមតែ ២៨១,៥៣៨ តោនប៉ុណ្ណោះ ។

ការនាំចេញអង្កររបស់កម្ពុជា (ប្រភព៖ Veng Sakhon)

ដោយឡែក សម្រាប់ខែមិថុនា ឆ្នាំ២០២០នេះ ការនាំចេញអង្ករសម្រេចបានចំនួន ៤១,៥៦៣តោន កើនឡើងចំនួន ១០,១៩៧តោន ស្មើនឹង៣២,៥១% បើធៀបទៅនឹងខែឧសភា ឆ្នាំ២០១៩ ដែលក្នុងនេះមាន៖ អង្ករក្រអូបគ្រប់ប្រភេទមានចំនួន ៤១,៨៦៤តោន, អង្ករចម្រុះគ្រប់ប្រភេទមានចំនួន ៨,៧៥២តោន, អង្ករចំហ៊ុយមានចំនួន ៩២៤តោន និងអង្ករក្រហមមានចំនួន ២៣តោន ។

របាយការណ៍នាំចេញអង្កររបស់កម្ពុជា (ប្រភព៖ Veng Sakhon)

ប្រទេសដែលបានបញ្ជាទិញអង្ករពីកម្ពុជាក្នុងរយៈពេល ៦ខែនេះមានចំនួន ៥៦ប្រទេសរួមមាន៖ ប្រទេសចំនួន២៤ ដែលស្ថិតនៅក្នុងសហភាពអ៊ឺរ៉ុប, ប្រទេសចិន, ប្រទេសសមាជិកអាស៊ានចំនួន៦ និងទ្វីបដ៏ទៃទៀតចំនួន ២៥ ប្រទេស។ ទន្ទឹមនឹងនេះក៏មានក្រុមហ៊ុនចំនួន៥ ក្នុងចំណោម ៦៦ក្រុមហ៊ុន ដែលបាននាំចេញអង្ករច្រើនជាងគេ។

របាយការណ៍នាំចេញអង្កររបស់កម្ពុជា (ប្រភព៖ Veng Sakhon)

សូមបញ្ជាក់ថា៖ ការនាំចេញអង្ករកម្ពុជាក្នុងរយៈពេល ៦ខែដើមឆ្នាំដូចគ្នាប្រៀបធៀបទៅនឹងឆ្នាំ២០១៩ មានកំណើននៅគ្រប់គោលដៅនាំចេញទាំងអស់៖ សហភាពអ៊ឺរ៉ុបកើនឡើងចំនួន ៤៥,១៩%, ប្រទេសចិនកើនចំនួន ២៥,២០%, បណ្តាប្រទេសសមាជិកអាស៊ានកើនចំនួន ៤៧,៦៩%, និងគោលដៅដ៏ទៃទៀតបានកើនឡើងចំនួន ៧៩,២៦% ។

ការនាំចេញអង្កររបស់កម្ពុជា (ប្រភព៖ Veng Sakhon)
ការនាំចេញអង្កររបស់កម្ពុជា (ប្រភព៖ Veng Sakhon)
របាយការណ៍នាំចេញអង្កររបស់កម្ពុជា (ប្រភព៖ Veng Sakhon)
របាយការណ៍នាំចេញអង្កររបស់កម្ពុជា (ប្រភព៖ Veng Sakhon)
របាយការណ៍នាំចេញអង្កររបស់កម្ពុជា (ប្រភព៖ Veng Sakhon)
របាយការណ៍នាំចេញអង្កររបស់កម្ពុជា (ប្រភព៖ Veng Sakhon)
របាយការណ៍នាំចេញអង្កររបស់កម្ពុជា (ប្រភព៖ Veng Sakhon)

អត្ថបទដោយ៖ Nevin

Related Articles