We TV Cambodia

ការដ្ឋានសំណង់ចំនួន២៣កន្លែងក្នុងខេត្តព្រះសីហនុត្រូវបានរុះរើចោល

ការដ្ឋានសំណង់ចំនួន២៣កន្លែងក្នុងខេត្តព្រះសីហនុត្រូវបានរុះរើចោល

 

ដោយ៖ឧត្តម

សំណង់ចំនួន២៣នៅខេត្តព្រះសីហនុត្រូវបានចុះរុះរើក្នុងឆ្នាំ២០១៩នេះបន្ទាប់ពីអ្នកជំនាញបង្ហាញថាសំណង់ទាំងអស់នោះមានហានិភ័យខ្ពស់។ នេះបើតាមការអោយដឹងរបស់ក្រសួងរៀបចំដែនដី នគរូបនីយកម្ម និងសំណង់។

ក្រសួងរៀបចំដែនដី និងនគរូបនីយកម្ម សហការគ្នាជាមួយនិងគណៈកម្មការត្រួតពិនិត្យគុណភាពសំណង់នៅខេត្តព្រះសីហនុបានចុះរុះរើការដ្ឋានសាងសង់ចំនួន២៣កន្លែងក្រោយពីបានពិនិត្យមើលឃើញថា ការសាងសង់មិនស្របតាមអនុលោមរបស់ច្បាប់និង លក្ខណះបច្ចេកទេសរបស់សំណង់ក្នុងប្រទេសកម្ពុជា។  

បើយោងទៅតាមរបាយការណ៍របស់ក្រសួងបានអោយដឹងថា គណះកម្មការត្រួតពិនិត្យគុណភាពសំណង់នៅក្នុងខេត្តព្រះសីហនុ ចំនួន៥៧០ ការដ្ឋាន ហើយបានរុះរើសំណង់ខុសលក្ខណះបច្ចេកទេស និងបង្កហានិភ័យចំនួន២៣ការដ្ឋាន ណែនាំអោយធ្វើកោសល្យវិច័យចំនួន១៦៦ការដ្ឋាន និងណែនាំអោយបំពេញនីតិវិធីចំនួន៣៨១ការដ្ឋាន។

ទន្ទឹមនឹងនេះក្រសួងរៀបចំដែនដី បានចុះបញ្ចីស្ថបត្យករចំនួន១០២រូប​(ស្រី ១៤រូប)​ ក្នុងនោះមានស្ថាបត្យករសញ្ជាតិបរទេសចំនួន១រូប (សញ្ជាតិ្តបារាំង​) ទទួលបានប្រាក់វិភាគទានប្រចាំឆ្នាំ ពីស្ថាបត្យករ ចុះបញ្ចីបានចំនួន១១រូប ស្មើនឹងថវិកាចំនួន​១៦៨៤០០០០រៀល។  

សូមបញ្ជាក់ថាកាលពីខែមិថុនា មានហេតុការណ៍បាក់អគារកម្ពស់៧ជាន់នៅខេត្តព្រះសីហនុដែលបណ្តាលអោយមនុស្សស្លាប់ ២៨នាក់ និងរងរបួសចំនួន២៦ នាក់។ ការបាក់រលំអគារនោះគឺបណ្តាលមកពីការសាងសង់់ខ្វះលក្ខណះបច្ចេកទេស និងមិនស្របទៅតាមស្តង់ដារសំណង់នៅក្នុងប្រទេសកម្ពុជា។ ដោយឡែកកាលពីខែ ក៏មានករណ៏បាក់រំលំសាលាធម្មសភានៅខេត្តសៀមរាប បណ្តាលអោយមនុស្សស្លាប់ចំនួន៣នាក់ និងរងបួសចំនួន១៣នាក់។ហេតុការណ៍នេះកើឡើងដោយគ្នានលក្ខណះបច្ចេកទេសត្រឹមត្រូវស្របស្តង់ដារគតិយុទ្ធរបស់សំណង់៕

 

Related Articles