We TV Cambodia

កម្ពុជាសុំអោយប្រទេស Czech បោះទុនវិនិយោគផលិតយន្តហោះធុនស្រាលនៅកម្ពុជា

កម្ពុជាសុំអោយប្រទេស Czech បោះទុនវិនិយោគផលិតយន្តហោះធុនស្រាលនៅកម្ពុជា

SONY DSC

 
 

ដោយៈ ទិន សុខាវុធ

លោក​ឧកញ៉ា គិត ម៉េង បាន​សុំអោយ​ប្រទេស​ Czech បោះ​ទុន​វិនិយោគ​ក្នុង​វិស័យ​អាកាសចរណ៍​ផលិត​យន្តហោះ​ធុន​ស្រាល​ លក់​នៅ​លើ​ទីផ្សារ​របស់​ ASEAN ។

យោងតាម​ទីភ្នាក់​ងារ​សារព័ត៌មាន​ AKP ដែល​ជា​ស្ថាប័ន​សារព័ត៌មាន​មួយ​របស់​រាជ​រដ្ឋាភិបាល កាល​ពី​ថ្ងៃ​ទី ១៤ ខែ តុលា ឆ្នាំ ២០១៩ នៅ​ក្នុង​ដំណើរទស្សកិច្ច​ផ្លូវ​រដ្ឋ​មួយ​ជាមួយ​នឹងប្រតិភូ​របស់​រាជរដ្ឋាភិបាល ដឹក​នាំ​ដោយ​លោក​នាយក​រដ្ឋ​មន្ត្រី​ ហ៊ុន សែន នៅសាធារណរដ្ឋ Czech លោក​ឧកញ៉ា គិត ម៉េង ប្រធាន​សភាពាណិជ្ជកម្មកម្ពុជា បាន​ចរចារ​ជាមួយនឹង​ភាគី Czech សុំអោក្រុមហ៊ុន Czech ពិនិត្យ​មើល​លទ្ធភាព​បោះ​ទុន​វិនិយោគផលិតយន្តហោះធុន​ស្រាលនៅ​កម្ពុជា​។

លើសពី​នេះ​ទៀត លោក​ឧកញ៉ា​ គិត​ ម៉េង​ ក៏​បានពិភាក្សាផងដែរ​ជាមួយ​នឹង​ភាគី​ Czech ក្នុងការ​បើក​ការហោះហើរត្រង់​ រវាង​កម្ពុជា​និងសាធារណរដ្ឋ​ Czech ព្រម​ទាំង​ការវិនិយោគមួយ​ចំនួន​ទៀត​នៅ​កម្ពុជា​ មានដូច​ជា​ការវិនិយោគក្នុង​វិស័យ​ទេសចរណ៍ ឧស្សាហកម្មផលិត​ម្ហូប​អាហារ សំណង់ រោងចក្រ​តំឡើង​រថយន្ត រោងចក្រ​ផលិត​អគ្គិសនី និង សន្តិសុខ​តាម​ប្រព័ន្ធ Internet ។

ប្រទេស​ Czech ត្រូវ​បាន​គេស្គាល់​ថា​ជា​ប្រទេស​​អភិវឌ្ឍន៍​មួយ ដែល​មាន​សមត្ថភាព​អាច​ផលិត​យន្តហោះ​ធុន​ស្រាល​មួយ​ចំនួន លក់​ចេញ​ទៅប្រទេស​ជា​ច្រើន​ នៅ​ជុំវិញ​ពិភពលោក​។ មួយវិញទៀត ប្រទេស​នេះ​ត្រូវ​ជាប់​ចំណាត់ថ្នាក់លេខ ៣ បន្ទាប់​ពី​ប្រទេស​បារាំង​និង​អាល្លឺម៉ង់ ក្នុង​ការផលិតយន្តហោះ​ធុន​ស្រាល​។

យន្តហោះធុន​ស្រាល​ផលិត​នៅ​ប្រទេស​ Czech មាន​ដូច​ជា LET-410, L-29 Delfin, L-39 Albatros, L-59 Super Albatros, and L-159 Alca ជា​ដើម​៕

យន្តហោះដឹកអ្នកដំណើរផលិតនៅប្រទេស Czech ប្រភេទ LET-410

Related Articles