We TV Cambodia

កម្ពុជានាំ«ដំឡូងមីស្រស់»ទៅវៀតណាម បានជិត២លានតោន

កម្ពុជានាំ«ដំឡូងមីស្រស់»ទៅវៀតណាម បានជិត២លានតោន

អត្ថបទ៖រដ្ឋ ស្រីពេជ្រ

ភ្នំពេញ៖ កម្ពុជានាំ«ដំឡូងមីស្រស់»ទៅវៀតណាម បានជិត២លានតោន។​នេះបើយោងតាមរបាយការពីមន្ទីរកសិកម្ម រុក្ខាប្រមាញ់ និងនេសាទកាលពីថ្ងៃម្សិលមិញនេះ។

ដំឡូងមីស្រស់ ជិត២លានតោន ត្រូវបាននាំចេញទៅប្រទេសវៀតណាមតាមច្រកព្រំដែនអន្តរជាតិពីរគឺ ច្រកត្រពាំងផ្លុង  និងច្រកទ្វេរភាគីដារ ដោយគិតចាប់ពីថ្ងៃទី០១ ខែមករា មកទល់ថ្ងៃទី០៧ ខែធ្នូ ឆ្នាំ២០២០។

តាមប្រភពដដែលបានបន្តទៀតថា ការនាំចេញដំឡូងមីស្រស់ចេញពីកម្ពុជាទៅកាន់ប្រទេសវៀតណាម តាមច្រកព្រំដែនអន្តរជាតិត្រពាំងផ្លុង និងច្រកព្រំដែនទ្វេរភាគីដារ មានចំនួន ជិតពីរលានតោន (១,៨២ លានតោន) ។

ដោយឡែកការនាំចេញ នៅច្រកព្រំដែនទ្វេរភាគីដារ នាថ្ងៃទី០៧ ខែធ្នូ ឆ្នាំ២០២០ នេះមានចំនួន ៩ ៧៥៥ តោន (សរុបទាំងពីរច្រកក្នុងមួយថ្ងៃមានចំនួន ១១ ៨២៥ តោន) រីឯតម្លៃនៅមាត់ច្រកសម្រាប់ដំឡូងមីសើមគឺ ៤៦០ រៀល ក្នុងមួយគីឡូក្រាម ៕

 

Related Articles