We TV Cambodia

កញ្ចប់​ជំនួយ​សហគ្រិន​ខ្មែរ ត្រូវបានក្រសួង​សេដ្ឋកិច្ច និង​ហិរញ្ញវត្ថុបង្កើតឡើង ដើម្បីជួយ​សហគ្រាស​ធុនតូច និង​មធ្យម និង​ធុរកិច្ច​បង្កើត​ថ្មី

កញ្ចប់​ជំនួយ​សហគ្រិន​ខ្មែរ ត្រូវបានក្រសួង​សេដ្ឋកិច្ច និង​ហិរញ្ញវត្ថុបង្កើតឡើង ដើម្បីជួយ​សហគ្រាស​ធុនតូច និង​មធ្យម និង​ធុរកិច្ច​បង្កើត​ថ្មី
ក្រសួងសេដ្ឋកិច្ច និងហិរញ្ញវត្ថុ (ប្រភព៖ Google)

ក្រសួង​សេដ្ឋកិច្ច និង​ហិរញ្ញវត្ថុ បានរៀបចំ ​«​កញ្ចប់​ជំនួយ​សហគ្រិន​ខ្មែរ​» ដើម្បីជួយដល់សហគ្រាស​ធុន​តូច មធ្យម និង​ធុរកិច្ច​បង្កើត​ថ្មី ដែលកំពុងតែរងផលប៉ះពាល់ដោយសារ COVID-19។

ក្នុងកំឡុងពេល COVID-19 នេះ សហគ្រាស​ធុន​តូច និង​មធ្យម និង​ធុរកិច្ច​បង្កើត​ថ្មីកំពុងតែជួបបញ្ហាប្រឈមខ្លាំង និងអាចឈានដល់ការប្រកាសក្ស័យទុនបើ COVID-19 នៅតែអូសបន្លាយ ហើយពួកគេកំពុងតែត្រូវការជំនួយជាបន្ទាន់ដើម្បីទ្រទ្រង់​អាជីវកម្ម​របស់ខ្លួនបន្តទៀត។

ជាការឆ្លើយតប​ សហគ្រិន​ខ្មែរ ក្រោម​ការគ្រប់គ្រង​រប​ស់ក្រសួង​សេដ្ឋកិច្ច និង​ហិរញ្ញវត្ថុ បានរៀបចំ «​កញ្ចប់​ជំនួយ​សហគ្រិន​ខ្មែរ​» ដែលមាន​អត្ថប្រយោជន៍​ជាច្រើន ដើម្បី​ជួយផ្តល់​ដំណោះស្រាយដល់​សហគ្រាស​ធុន​តូច និង​មធ្យម និង​ធុរកិច្ច​បង្កើត​ថ្មី​ទាំងនោះក្នុង​ទម្រង់​ផ្សេងៗ​ដូចជា​៖ មូលនិធិ​ជំនួយ ការវិនិយោគ ការផ្ដល់ជូន​វគ្គប​ណ្ដុះ​បណ្ដាល ការប្រឹក្សា​យោបល់​ក្នុងការ​គ្រប់គ្រង​ហានិភ័យ និង​ការផ្ដល់​ជា​ការិយាល័យ​ធ្វើការ​រួម​ជាដើម​។​

កញ្ចប់ជំនួយសហគ្រិនខ្មែរ (ប្រភព៖ ក្នុងស្រុក)

​សូមជម្រាបថា សហគ្រិន​ខ្មែរ ត្រូវបាន​បង្កើតឡើងជា​ស្ថាប័ន​ប្រតិបត្តិ​ករ​មួយរបស់​មូលនិធិ​អ​ភ​វិ​ឌ្ឍ​ន៍​សហគ្រិនភាព ក្រោម​ការគាំទ្រ​របស់​ក្រសួង​សេដ្ឋកិច្ច និង​ហិរញ្ញវត្ថុដើម្បី​អនុវត្ត​កម្មវិធី​គាំទ្រ និង​ធ្វើការ​ដោយផ្ទាល់​ជាមួយ​ស្ថាប័ន​ដៃគូ និង​អត្ថគាហកៈ​។​

គូសបញ្ជាក់ផងដែរថា ការរីករាលដាលនៃជំងឺ COVID-19 បានធ្វើឲ្យប៉ះពាល់យ៉ាងខ្លាំងដល់សហគ្រាស និងអាជីវកម្មស្ទើរតែគ្រប់ប្រភេទ ជាពិសេសគឺ​សហគ្រាស​ធុន​តូច និង​មធ្យម និង​ធុរកិច្ច​បង្កើត​ថ្មី ដោយសារតែពួកគេពុំមានថិវិការច្រើនក្នុងការទប់ទល់នឹងផលប៉ះពាល់ពី COVID-19 បានរយៈពេលយូរនោះទេ។ ដូច្នេះហើយ កន្លងមកសហគ្រាស​ធុន​តូច និង​មធ្យម និង​ធុរកិច្ច​បង្កើត​ថ្មីនេះបានធ្វើការស្នើសុំការជួយអន្តរាគមន៍ពីរដ្ឋាភិបាលដើម្បីជួយឲ្យអាជីវកម្មរបស់ពួកគេអាចបន្តដំណើរទៅមុខទៀតបាន។

​ខាងក្រោមនេះជាតំណភ្ជាប់ដើម្បី​ចុះឈ្មោះ​ស្នើសុំ​កញ្ចប់​ជំនួយ​៖ https://forms.gle/oSb8PTfYL4eevzx4A ឬ​តាមរយៈ QR Code នៅក្នុង​រូបភាព​។​

អត្ថបទដោយ៖ Nevin

ប្រភព៖ ក្នុងស្រុក

Related Articles